លោកស្រី យីងឡាក់ អតីតនាយករដ្ឋមន្រ្តីថៃ បានបានទទួលសញ្ជាតិស៊ែបហើយ!
តាមការចុះផ្សាយរបស់ Bangkok Post នៅថ្ងៃទី៩ ខែសីហា ឆ្នាំ២០១៩ ដោយដកស្រង់ចេញពីភ្នាក់ងារសារព័ត៌មានរដ្ឋស៊ែប Tanjug កាលពីថ្ងៃទី៨ ខែសីហា ឆ្នាំ២០១៩ បានឲ្យដឹងថា រដ្ឋាភិបាលនៃប្រទេសស៊ែប បានផ្តល់សញ្ជាតិស៊ែបឱ្យអតីតនាយករដ្ឋមន្រ្តីថៃ លោកស្រី យីង ឡាក់ ដោយសារតែយល់ឃើញថា ការផ្តល់សញ្ជាតិនេះ នឹងនាំផលប្រយោជន៍ឱ្យស៊ែប។
យ៉ាងណាក៏ដោយ មន្រ្តីស៊ែប មិនបានបញ្ជាក់ហេតុផលលម្អិតនៅពីក្រោយនៃការសម្រេចចិត្តផ្តល់សញ្ជាតិឱ្យលោកស្រី យីង ឡាក់។
ជាមួយនឹងការកាន់លិខិតឆ្លងដែនស៊ែប លោកស្រីអាចធ្វើដំណើរទៅកាន់ប្រទេសជាង ១០០ ដោយមិនចាំបាច់មានទិដ្ឋាការ ក្នុងនោះភាគច្រើនជាប្រទេសសហភាពអឺរ៉ុប៕
ប្រភព៖ Bangkok Post
