តោះមកដឹងពីប្រតិទិនឈប់សម្រាកឆ្នាំ២០២០ ដែលនឹងត្រូវកាត់បន្ថយថ្ងៃឈប់សម្រាក
(ភ្នំពេញ)៖រាជរដ្ឋាភិបាលបានចេញអនុក្រឹត្យស្តីពីប្រតិទិនឈប់សម្រាកការងាររបស់មន្រ្តីរាជការ និយោជិត កម្មករ ប្រចាំឆ្នាំ២០២០ ដែលចំនួនថ្ងៃឈប់សម្រាកមានត្រឹម ២២ថ្ងៃ កាត់បន្ថយ៦ថ្ងៃ។ ក្នុងនោះព្រះរាជពិធិបុណ្យចម្រើនព្រះជន្មព្រះមហាក្សត្រ ដែលធ្លាប់តែឈប់៣ថ្ងៃ គឺនៅសល់តែ១ថ្ងៃប៉ុណ្ណោះ ចំថ្ងៃទី១៤ ខែឧសភា ប៉ុន្តែបានជំនួសមកវិញនូវបុណ្យចូលឆ្នាំខ្មែរ ដែលការឈប់សម្រាកត្រូវដំឡើងដល់ ៤ថ្ងៃ។
ក្រៅពីនេះ បុណ្យមួយចំនួនទៀតដូចជា មាឃបូជា, ទិវានៃការចងចាំ ២០ឧសភា, ទិវាកុមារអន្តរជាតិ ១មិថុនា, ទិវារំលឹកខួបនៃកិច្ចព្រមព្រៀងសន្តិភាពទីក្រុងប៉ារីស ២៣តុលា និងទិវាសិទ្ធិមនុស្សអន្តរជាតិ ១០ធ្នូ គឺត្រូវបានដកចេញពីប្រតិទិនឈប់សម្រាកនេះហើយ៕
