កំណើនសេដ្ឋកិច្ចរបស់ឥណ្ឌូនេស៊ី ត្រូវបានធ្លាក់ចុះ
(ឥណ្ឌូនេស៊ី)៖អត្រាកំណើនសេដ្ឋកិច្ចប្រចាំត្រីមាសទាបបំផុត ក្នុងរយៈពេល ២ ឆ្នាំ ខណៈសេដ្ឋកិច្ចធំជាងគេរបស់អាស៊ីអាគ្នេយ៍មួយនេះ ទទួលរងផលប៉ះពាល់ដោយសារតែភាពតានតឹងផ្នែកពាណិជ្ជកម្មរវាងអាមេរិក និងចិន។
កំណើនសេដ្ឋកិច្ចបានធ្លាក់ចុះនៅត្រឹម ៥,០៥ ភាគរយ ក្នុងអំឡុងខែ មេសា ដល់ខែ មិថុនា ដោយសារតែការនាំចេញ និងការវិនិយោគបានធ្លាក់ចុះ។ ចំនួននោះបានធ្លាក់ចុះពីកំណើន ៥,២៧ ភាគរយ ក្នុងរយៈពេលដូចគ្នាកាលពីឆ្នាំមុន។
ប្រទេស ឥណ្ឌូនេស៊ី កំពុងជម្នះនឹងតម្លៃទំនិញប្រើប្រាស់សំខាន់ៗដែលកំពុងធ្លាក់ចុះ ដូចជាធ្យូងថ្ម និងប្រេងដូង ដោយសារតែសេដ្ឋកិច្ចពិភពលោករអាក់រអួល ដោយសារតែសង្គ្រាមពាណិជ្ជកម្មដែលកាន់តែខ្លាំងឡើងរបស់លោកប្រធានាធិបតីអាមេរិក ដូណាល់ ត្រាំ ជាមួយប្រទេស ចិន។
លោក Suhariyanto ប្រធានទីភ្នាក់ងារស្ថិតិ បានថ្លែងថា៖ «បញ្ហាប្រឈមដែលយើងកំពុងជួបប្រទះ មិនងាយស្រួលក្នុងការយកឈ្នះនោះទេ ដោយសារតែការធ្លាក់ចុះដ៏សំខាន់នៅក្នុងសេដ្ឋកិច្ចពិភពលោក»។
កំណើនសេដ្ឋកិច្ចដែលកាន់តែខ្សោយនេះ ធ្វើឲ្យមានបញ្ហាប្រឈមថ្មីៗដល់ប្រធានាធិបតីប្រទេស ឥណ្ឌូនេស៊ី ចូកូ វីដូដូ ដែលត្រូវបានជាប់ឆ្នោតជាថ្មីកាលពីដើមឆ្នាំនេះ ភាគច្រើនលើការដេញថ្លៃដែលជំរុញដោយហេដ្ឋារចនាសម្ព័ន្ធរបស់លោក ដើម្បីជំរុញសេដ្ឋកិច្ច។
ក្រុមអ្នកវិភាគឲ្យដឹងថា ប៉ុន្តែលោកបានបរាជ័យក្នុងការធ្វើឲ្យសម្រេចបានតាមទិសដៅ ៧ ភាគរយ ដែលសន្យា ក្នុងអំឡុងអាណត្តិដំបូងរបស់លោក និងជម្នះក្នុងការបង្កើនសេដ្ឋកិច្ចចេញពីកម្រិតបច្ចុប្បន្នរបស់ខ្លួន។
Oxford Economics ជាក្រុមហ៊ុនស្រាវជ្រាវលំនៅឋាន បានឲ្យដឹងនៅ ក្នុងរបាយការណ៍មួយថា៖ «សូចនាករប្រចាំខែបង្ហាញសញ្ញានៃតម្រូវការក្នុងស្រុកជាមធ្យម និងប្រឈមនឹងស្ថានការណ៍នៃការកើនឡើងជាថ្មីដោយសារតែភាពតានតឹងផ្នែកពាណិជ្ជកម្មរវាងអាមេរិក និងប្រទេស ចិន ដែលចក្ខុវិស័យសម្រាប់ការនាំចេញរបស់ប្រទេស ឥណ្ឌូនេស៊ី នៅតែមិនច្បាស់លាស់»។
កាលពីខែមុន ប្រទេស ឥណ្ឌូនេស៊ី បានកាត់បន្ថយអត្រាការប្រាក់ជាលើកដំបូង ក្នុងរយៈពេលជិត ២ ឆ្នាំ ក្នុងគោលបំណងដើម្បីធ្វើឲ្យសេដ្ឋកិច្ចកាន់តែសកម្មឡើង៕
ប្រភព៖ AFP
