តានតឹងពេកបេក្ខនារីម្នាក់ស្រាប់តែសន្លប់លើឆាក ហើយលទ្ធផលវិញមួយក្រុម៦នាក់ គ្មានបេក្ខជនណាម្នាក់ជាប់ឡើយ

ទីបំផុតកម្មវិធីប្រឡងចម្រៀងលំដាប់ថ្នាក់ពិភពលោក X-factor Cambodia បានមកដល់វគ្គជម្រុះ BootCamp ដែលជាវគ្គជម្រុះដ៏តានតឹង។ ដោយបេក្ខជនបេក្ខនារីដែលជាប់នៅក្នុងវគ្គ Judge Audition នឹងត្រូវរើសចម្រៀង បេក្ខជន បេក្ខនារីណាដែលចាប់បានចម្រៀងដូចគ្នា នឹងត្រូវបញ្ជូលជាក្រុម ដើម្បីឡើងប្រកួតជាបន្ត​។

យ៉ាងណាមិញក្រុមដែលឡើងមកប្រកួតវគ្គជម្រុះ BootCamp ជាបន្ទាប់មានបេក្ខជន និងបេក្ខនារីទាំង៦មានឈ្មោះបេក្ខជន៖ ផារ៉ាក់ – បូរី – បញ្ញា និងក្រុម៖ សារាជ – COOL GIRLS ដែលចាប់បានចម្រៀងបទ “ចង់ទៅ ទៅៗ” ជាបទចម្រៀងរបស់ អ្នកនាង ឱក សុគន្ធកញ្ញា។ ខណៈដែលកំពុងតែស្តាប់ការផ្តល់យោបល់ និងការណែនាំរបស់គណៈកម្មការហើយស្ថានភាពតានតឹងពេកក៏មានបេក្ខនារីក្នុងក្រុម COOL GIRLS ស្រាប់តែងងឹតមុខ ក៏មានការសង្គ្រោះពីសំណាក់ក្រុមការងារនៃកម្មវិធី។ ក្នុងនោះជាលទ្ធផលដោយអ្នកទាំង៦ធ្វើមិនបានល្អឡើយ ពោលគឺអ្នកទាំង៦មិនអាចបន្តទៅកាន់វគ្គបន្ទាប់ឡើយ៕