លោកនាយករដ្ឋមន្ត្រី ហ៊ុន សែន បង្ហាញសាច់ប្រាក់សុទ្ធដែលដាក់នៅរតនាគារជាតិ និងធនាគារជាតិ
(ភ្នំពេញ)៖ នាព្រឹកថ្ងៃទី២៩ ខែកក្កដា ឆ្នាំ២០១៩ ក្នុងឱកាសអញ្ជើញចុះពិនិត្យការដ្ឋានសាងសង់ពហុកីឡដ្ឋានជាតិមរតកតេជោ នៅសង្កាត់ព្រែកតាសេក ខណ្ឌជ្រោយចង្វារ។ លោកនាយករដ្ឋមន្រ្តី ហ៊ុន សែន បានទម្លាយឱ្យដឹងថា សាច់ប្រាក់សុទ្ធដែលរាជរដ្ឋាភិបាលបានផ្ញើនៅរតនាគារជាតិ និងធនាគារជាតិ គឺឡើងជិតដល់ ១៤លានលានរៀល (១លានលានរៀលស្មើនឹង ២៥០លានដុល្លារ)។
ប្រមុខរាជរដ្ឋាភិបាលថា «ឡើងប្រាក់ខែហើយ ថែមទាំងបើក២អាទិត្យម្តងទៀត»ទោះគ្មានចំណូលបន្ថែម ក៏រាជរដ្ឋាភិបាលមានលទ្ធភាពបើកប្រាក់ខែឱ្យមន្រ្តីរាជការលើសពីមួយឆ្នាំដែរ ពោលគឺ១ខែរដ្ឋចាយអស់ ៣០០លានដុល្លារ តែប្រាក់ចំណូលមានលើសពី ៤០០លានដុល្លារ ៕
កែសម្រួល៖ ឆ្មាសរ
