រត់ម៉ូតូកង់បីឥណ្ឌា តែធ្វើសកម្មភាពលួចកញ្ចក់ឡាន Lexus 570
នៅថ្ងៃអាទិត្យ ទី២៨ ខែកក្កដា ឆ្នាំ២០១៩ វេលាម៉ោង១៣និង30នាទីកម្លាំងប៉ុស្តិ៍នគរបាលរដ្ឋបាលវត្តភ្នំសហការជាមួយកំលាំងផ្នែកយុត្តិធម៌នៃអធិការដ្ឋាននគរបាលខណ្ឌដូនពេញបានធ្វើការឃាត់ខ្លួនជាក់ស្តែងជនសង្ស័យចំនួន០១នាក់(ក្នុងចំណោមបក្ខពួក០2នាក់)ពីបទលួច (កញ្ចក់រថយន្ត) នៅចំនុចមុខហាងTitanic ផ្លូវព្រះសុីសុវត្តិកែងផ្លូវលេខ១០៦ភូមិទី8 សង្កាត់វត្តភ្នំ ខណ្ឌដូនពេញ រាជធានីភ្នំពេញ។ ជនសង្សយ័ត្រូវឃាត់ខ្លួន ឈ្មោះ ជឹម រាជ ភេទប្រុសអាយុ25ឆ្នាំ ជនជាតិខ្មែរ មុខរបរ និងទីលំនៅ មិនពិតប្រាកដ។
វត្តុតាងចាប់យកបានមានកញ្ចក់រថយន្តម៉ាកឡុិចសុីស570 ចំហៀងខាងឆ្វេងចំនួន01(ត្រូវបានប្រគល់ជូនជនរងគ្រោះវិញ) និងម៉ូតូកង់បី(Pass App) ពណ៍ស ពាក់ផ្លាកលេខ ភ្នំពេញ 1HD9250(ជារបស់ជនសង្ស័យ)។ ជនសង្ស័យធ្លាប់ប្រើប្រាស់គ្រឿងញៀន ចំពោះមុខកម្លាំងប៉ុស្តិ៍និងខណ្ឌកំពុងប្រើវិធានការជំនាញសួរចម្លើយរកបក្ខពួក និងសកម្មភាពដែលបានប្រព្រឹត្តកន្លងមកហើយកសាងសំណុំរឿងតាមនិតិវិធី៕
