ស្នងការដ្ឋាននគរបាលភ្នំពេញ បំភ្លឺជុំវិញករណី ស្ត្រីម្នាក់ត្រូវចោរឆក់ រត់ទៅប្តឹងប៉ូលិស តែមិនឃើញប៉ូលិស ឃើញតែតុផឹកស៊ីនិងសំបកកំប៉ុង
(ភ្នំពេញ)៖ យោងតាមការផុសលើហ្វេសប៊ុករបស់ស្នងការរាជធានីភ្នំពេញបានឲ្យដឹងថា ” 💢សេចក្តីបកស្រាយបំភ្លឺរបស់ក្រុមការងារប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ សូមធ្វេីការបញ្ជាក់ការពិតដល់បងប្អូនប្រជាពលរដ្ឋអោយបានជ្រាបច្បាស់ថា ក្រោយពីទទួលព័ត៌មាននៅលេីបណ្តាញសង្គមភ្លាម ក្រុមការងារនៃស្នងការដ្ឋាននគរបាលរាជធានីភ្នំពេញបានចុះធ្វេីការសាកសួរ និងស្រាវជ្រាវលេីករណីនេះភ្លាម ទេីបទទួលបានលទ្ធផលដូចខាងក្រោមៈ
១. ជាក់ស្តែងពិតជាមានមែនទាក់ទងទៅនិងកំប៉ុងស្រានៅប៉ុស្តិ៍ ប៉ុន្តែខាងក្រុមការងារសង្កាត់បានបញ្ជាក់យ៉ាងច្បាស់ថា នៅយប់ថ្ងៃនោះសង្កាត់បានទទួលស្រាមួយកេះពីប្រជាពលរដ្ឋ ហេីយសង្កាត់ក៏បានហៅប្រជាការពារ មេភូមិ មកពិសារទាំងអស់គ្នានៅមុខប៉ុស្តិ៍ដោយសារមានភ្លេីងភ្លឺ ក្រោយមកក៏មានអំពេីហិង្សាមួយកេីតឡេីងប្រជាពលរដ្ឋបានមកប្តឹងប៉ុស្តិ៍ពេលនោះកម្លាំងប៉ុស្តិ៍ក៏បានចេញទៅភ្លាមដេីម្បីដោះស្រាយបញ្ហានេះ ហេីយនៅពេលពិសារចប់ដោយពុំមានអ្នកធ្វេីការប្រមូលសម្អាតសំបកកំប៉ុង ទេីបនៅសល់ក្រោមតុដូច្នេះ
២. ចំណែកឯករណីដែលសារព័ត៌មានមួយចំនួនសរសេរថាទៅប្តឹងដល់ប៉ុស្តិ៍មិនមានអ្នកនៅទទួលពាក្យបណ្តឹង គឺមិនពិតនោះទេ ជាក់ស្តែងពេលដែលជនរងគ្រោះមកដាក់ពាក្យបណ្តឹងនៅម៉ោងប្រហែល៤ទៀបភ្លឺ គឺមានលោកនាយរងប៉ុស្តិ៍ម្នាក់ និងមន្ត្រីពីរនាក់ទៀតបានសួរនាំរឿងហេតុ និងសរសេរពាក្យបណ្តឹងជូនគាត់ភ្លាមៗផងដែរ ហេីយក៏បាននាំជនរងគ្រោះទៅរកកន្លែងកេីតហេតុផងដែរប៉ុន្តែជនរងគ្រោះគាត់ក៏ចាំមិនច្បាស់ទីតាំងកេីតហេតុនោះឡេីយ
សូមបញ្ជាក់ជាថ្មីថា ក្នុងផេកស្នងការដ្ឋាននគរបាលរាជធានីភ្នំពេញ ក៏ធ្លាប់បានចុះផ្សាយផងដែរបេីសិនជាមានករណីប៉ុស្តិ៍ណាមិនទទួលពាក្យបណ្តឹងរបស់ពលរដ្ឋ អាចខំមិនចូលក្នុងផេក នោះក្រុមការងារនិងចាត់វិធានការភ្លាមៗផងដែរ ” ៕
កែសម្រួល៖ ឆ្មាសរ
