សាទរ ៖ តូតា និងគូស្នេហ៍ បើករីសតថ្មីសន្លាង នៅលើទឹកដី កំពត
ភ្នំពេញ ៖ ចំណងស្នេហ៍របស់តារាសម្តែងស្រី ម៉ាក់ សែនសូនីតា ហៅ តូតា និង លោក ប៉ូ វិបុល បានល្បីសុះសាយពាសពេញពិភពសិល្បៈ ហើយមួយរយៈពេលចុងក្រោយនេះ ចំណងស្នេហ៍របស់អ្នកទាំងពីរ បានចាប់ដៃគ្នាបើកមុខជំនួញអាហាររដ្ឋាន «ផែសមុទ្រ» នៅកណ្តាលរាធានីភ្នំពេញជាច្រើនសាខានោះ ក៏តែពេលថ្មីស្រាប់លេចចេញរឿងមួយទៀតបើករីសតថ្មីសន្លាងនៅលើទឹកដីខេត្តកំពត គួរឲ្យភ្ញាក់ផ្អើលខ្លាំងសាជាថ្មី។
នេះបើយោងតាមការប្រកាសពីហ្វេសប៊ុកតារាស្រីមានបបូរមាត់សិចស៊ី ម៉ា់ក់ សែនសូនីតា ហៅ តូតា បានបង្ហោះប្រាប់មិត្តភក្តិនាពេលថ្មីៗដែលមានឈ្មោះថា «ផែសមុទ្ររីសត» ស្ថិតនៅក្រុងកំពត ខេត្តកំពត ឯណោះ។ ដំណឹងដ៏គួរឲ្យភ្ញាក់ផ្អើលពីការពង្រីកសាខាបន្តបន្ទាប់នៃអាជីវកម្មក្រោមស្លាកយីហោ «ផែសមុទ្រ» ដែលជាការដាក់ទុនបេះដូង និងធនធានរួមគ្នារវាងតារាសម្ដែងកញ្ញា តូតា និងថៅកែផលិតកម្មអង្គរភិចឈ័រ លោក ប៉ូ វិបុល លក្ខណៈលក់ franchise មិនទាន់អស់ចំហាយល្បីផង ក៏ស្រាប់តែតារាស្រីរូបនេះបន្តមកផុលផុសនឹងរឿងបើករីសតវិញម្តង។
