អបអរសាទរ! ផេនខេត ត្រៀមខ្លួនចូលរោងការ ក្រោយដឹកដៃគូស្នេហ៍ទៅថតរូប Pre-wedding
ជឿជាក់ថាបងប្អូនមួយចំនួនធំមុខជាស្គាល់ច្បាស់តារាកំប្លែងភេទទី៣ ផេនខេត ជាក់ជាមិនខាន ដោយគាត់ជាតារាកំប្លែង សម្តែង និងជាពិធីការិនីឆ្នើមមួយរូបផងដែរ។ ក្រោយប្រលូកសិល្បៈអស់រយៈពេលជាច្រើនឆ្នាំរួចមក ផេនខេត បានសាងកេរ្តិ៍ឈ្មោះរបស់ខ្លួនឲ្យមហាជនបានស្គាល់តាមរយៈការសម្តែងកាយវិការចម្រៀង និងការធ្វើជាពិធីការិនីក្នុងកម្មវិធី 3 FUN CAMBODIA តែម្តង។
ថ្មីៗនេះដែរ ផេនខេត បានបើកបង្ហាញមុខគូស្នេហ៍ប្រុសស្អាតរបស់ខ្លួនជាសាធារណៈ ដោយពុំមានការលាក់បាំង លើសពីនេះនាងក៏បានបង្ហើបពីដំណឹងនៃគម្រោងរៀបអាពាហ៍ពិពាហ៍ឲ្យបានដឹងផងដែរ។ នៅថ្ងៃទី២៣ ខែកក្កដា ឆ្នាំ២០១៩ នេះ តារាភេទទី៣រូបនេះ បានដឹកដៃគូស្នេហ៍ទៅថតរូបក្នុងឈុតអាពាហ៍ពិពាហ៍ អមជាមួយសារយ៉ាងផ្អែមល្ហែមថា «ខ្ញុំមិនចង់បានមនុស្សល្អពេកទេ សុំត្រឹមតែអាចផ្ដល់ស្នាមញញឹមសុភមង្គល និងក្ដីស្រឡាញ់ដ៏ស្មោះត្រង់មួយទៅបានហើយ»៕
