មូលនិធិមួយ នាំយកសំភារៈផ្សេងៗ ជួយដល់ក្មេង៧នាក់ដែលគ្មានអង្ករហូប នៅស្រុកភ្នំស្រួច

កំពង់ស្ពឺ៖ ដូចការគ្រោងទុក នៅព្រឹកថ្ងៃទី២៣ ខែកក្កដា នេះ មូលនិធិសំលាញ់មួយជីវិត បេះដូងមនុស្សធម៌ បានយកសំភារៈសិក្សា អង្ករ កង់ នឹងសំភារៈផ្សេងៗទៀតមកជួយដល់ក្មេងតូច៧នាក់ដែលគ្មានអង្ករហូប ដោយពួកគាតពឹងលើការបេះស្លឹកព្រិចលក់ដើម្បីចិញ្ចឹមក្រពះ ។

លោក រេន ចំរើន ប្រធានមូលនិធិសំលាញ់មួយជីវិត បេះដូងមនុស្សធម៌ បានអោយដឹងថា ដោយមើលឃើញទុក្ខវេទនារបស់កូន ក្មួយតូច៧នាក់រស់នៅលើដីគេ ស្ថិតនៅភូមិដូង ឃុំក្រាំងដីវាយ ស្រុកភ្នំស្រួច ខេត្តកំពង់ស្ពឺ  កំពុងខ្វះខាត ទើបមូលនិធិលោកអំពាវនាវសប្បុរសជនទីជិតឆ្ងាយជួយជាថវិការអង្ករ កង់ត្រីងៀត ទឹកត្រី ទឹកសីុអីុវ ដើម្បីជួយសម្រាលបន្ទុកពួកគាត់។

លោកថា សំភារៈដែលយកមកប្រគល់អោយក្មេងៗទាំងនេះរួម មានកង់ពីរគ្រឿង អង្ករពីរការ៉ុង សម្ភារៈសិក្សា ខោអាវ ត្រីងៀត ទឹកត្រី ទឹកស៊ីអ៊ីវ ធុងទឹក ថវិកា200$នឹង25ម៉ឺនរៀល ។

គួរបញ្ជាក់ផងដែរថា មូលនិធិសំលាញ់មួយជីវិតបេះដូងមនុស្សធម៌បាននាំយកអំណោយ ដែលដឹកនាំដោយលោក រេន ចំរើន ជាប្រធានបានប្រមូលមូលនិធិជួយដល់ពលរដ្ឋដែលរងគ្រោះដោយសារខ្យល់កន្ត្រាក់នៅស្រុបាភ្នំ ខេត្តព្រៃវែង ជួយពលរដ្ឋក្រីក្រនៅស្រុកស្វាយជ្រុំ ខេត្តស្វាយរៀង នឹងជួយសាងសង់ផ្ទះដល់ស្ត្រីទុគត់អត់មានទីពឹងនៅស្រុកកំចាយមារជាដើម៕

អត្ថបទ៖ សុខ លាភ