ដំណឹងដ៏ក្តុកក្តួល! ចំពោះកីឡាករជើងខ្លាំងកម្ពុជា ពេជ្រ ម្ទេសខ្មាំង ជួបទុក្ខធំក្នុងគ្រួសារ
បើតាមសេចក្តីរាយការណ៍បឋមបានឱ្យដឹងថា អ្នកគាំទ្រកីឡាប្រដាល់កំពុងបង្ហោះសាររំលែកពេញបណ្ដាញសង្គមហ្វេសប៊ុក ដើម្បីលើកទឹកចិត្តដល់កីឡាករល្បីឈ្មោះ ពេជ្រ ម្ទេសខ្មាំង ដែលលោកតារបស់លោកបានទទួលមរណភាពហើយ។
យោងតាមហ្វេសប៊ុកអ្នកគាំទ្រ បានសរសេរថា ឪពុក ផល សោភ័ណ្ឌ បានទទួលមរណភាព កាលពីថ្ងៃទី២២ ខែកក្កដា ដោយជំងឺច្រើនមុខ បន្ទាប់ពីសម្ងំព្យាបាលអស់ជាច្រើនខែ។ នេះជាដំណឹងដ៏ក្ដុកក្ដួល ចំពោះកីឡាករជើងខ្លាំងរូបនេះ ស្របគ្នាលោកក៏នឹងបាត់បង់លោកតាជារៀងរហូតគ្មានថ្ងៃត្រឡប់វិញ។
ជាមួយគ្នានេះដែរកីឡាករជម្រើសជាតិសកល ពេជ្រ ម្ទេសខ្មាំង បានសរសេរនៅក្នុងទំព័រហ្វេសប៊ុក របស់ខ្លួនថា ខ្ញុំបាទពេជ្រ ម្ទេសខ្មាំង ថ្ងៃនេះខ្ញុំមានទុកធំ ព្រោះលោកតាជាទីស្រលាញ់របស់ខ្ញុំបានស្លាប់ទៅចោលខ្ញុំហើយនៅតែគាត់ម្នាកទេ អីលូវគាត់ទៅចោលខ្ញុំទៀតហើយខ្ញុំគ្មានតាឯណាហៅនិងគេទៀតទេ សូមអោយលោកតាទៅបានសុខ។
ពេជ្រ ម្ទេសខ្មាំង ក៏អំពាវនាវអោយបងប្អូនអាណិតនិងគាំទ្រ មានសទ្ធាចង់ចូលបុណ្យលោកតាខ្ញុំបាទ បងប្អូនអាចខលមកលេខ ពេជ្រ ម្ទេសខ្មាំង បាន 069996731។
អត្ថបទ៖ សុខ លាភ
