សោនក្លឹប បំភ្លឺការពិតក្រោយពេលបានឃើញ បញ្ញាសិទ្ធិ ផ្តល់កិច្ចសម្ភាសន៍និយាយបំភ្លើសការពិត យកទោសសងគុណ

ដូចដែលបងប្អូនបានដឹងស្រាប់ហើយថាកាលពីប៉ុន្មានសប្តាហ៍កន្លងទៅនេះតារាចម្រៀងប្រុស កា បញ្ញាសិទ្ធិ មានរឿងក្តីក្តាំជាមួយនឹង សោនក្លឹប ពាក់ព័ន្ធនឹងបញ្ហាជំពាក់លុយក្រុមហ៊ុនពុំសងរត់ទៅបរទេស។ ក្រោយមកលោក បញ្ញាសិទ្ធិ ក៏បានធ្វើការបកស្រាយជាសាធារណៈថារឿងនេះបានបញ្ចប់ និងសម្រួលគ្នារួចហើយ ដោយលោកក៏បានផ្តល់បទសម្ភាសន៍ដល់ស្ថានីយទូរទស្សន៍ផងដែរ។ ស្រាប់តែថ្មីៗនេះ សោនក្លឹប បានបង្ហោះសារបង្ហាញវីដេអូឈែតរវាងលោក បញ្ញាសិទ្ធ ជាមួយក្រុមហ៊ុនជាមួយសារបកស្រាយថា «SOUND CLUB សូមបកស្រាយពីបុគ្គលឈ្មោះ កា បញ្ញាសិទ្ធ ដែលបានបកស្រាយក្នុងសារព័ត៌មាន​ នៅថ្ងៃទី 6/07/2019។ ដែលបុគ្គល កា បញ្ញាសិទ្ធិ ​និយាយបែរជាយកគុណសងទោសទៅវិញដោយមិនបានដឹងគុណដែលក្លឹបបានជួយអោយធ្វើការតាំងពីដេីមរហូតដល់ចប់ ហេីយបុគ្គលនេះនិយាយរមិលគុណលុយដែលក្រុមហ៊ុនបានជួយដូចជាចំនួនតិចណាស់ ភ្លេចពេលខ្លួនទឹកភ្នែកបានលុយនឹងហេីយជួយអ្នកដោះទុក។

ជាដេីមហេតុបុគ្គលឈ្មោះ កា បញ្ញាសិទ្ធិ​ បានធ្វេីការអោយ SOUND CLUB​ អស់រយៈពេលជាងមួយឆ្នាំដោយបុគ្គល កា​ បញ្ញាសិទ្ធិ​ បានខ្ចីលុយពីក្រុមហ៊ុនជារៀងរាល់ខែ ដេីម្បីយកទៅព្យាបាលជំងឺម្តាយនឹងសងទៅអោយអ្នកចងការប្រាក់ជារៀងរាល់ខែ។ ដោយនៅថ្ងៃទី 26/03/2018 អ្នកចងការប្រាក់របស់បុគ្គលឈ្មោះ កា បញ្ញាសិទ្ធិ​ បានមកទារប្រាក់ពីបុគ្គល បញ្ញាសិទ្ធិ​ ជំពាក់ដល់ សោនក្លឹប ដោយបុគ្គលឈ្មោះ កា បញ្ញាសិទ្ធិ​ គ្មានប្រាក់នឹងការប្រាក់សងគេក៏មានការយំទួញសោកបោកខ្លួន នៅក្នុងក្លឹបដោយឃេីញដូចច្នេះក្រុមហ៊ុន សោនក្លឹប ក៏មានក្តីអាណិតមេត្តាក៏បានអោយប្រាក់ខ្ចីសងគេ។ ក្រុមហ៊ុនក៏បានបន្ថែមប្រាក់អោយខ្ចីបន្ថែម 2000$ ជាង សរុបទាំងប្រាក់ជំពាក់ចាស់និងថ្មីជិត 4000$​ ដោយគ្មានយកការប្រាក់ពីបុគ្គលឈ្មោះ ការ បញ្ញាសិទ្ធិ​ សូម្បីតែមួយសេនរយៈពេលជាង ១ឆ្នាំ។

បន្ទាប់ពីធ្វេីការបានមួយរយៈលោក កា បញ្ញាសិទ្ធិ ក៏បានធ្វេីការសុំលាឈប់ពីក្រុមហ៊ុន បន្ទាប់ពីការលាឈប់របស់ កា បញ្ញាសិទ្ធិ ក្រុមហ៊ុនក៏បានអោយធ្វេីកិច្ចសន្យាជាមួយ កា បញ្ញាសិទ្ធិ នៅពេលដែលលោកបានលាឈប់ថ្ងៃ 05.01.2019 ពីសោនក្លឹបគឺតម្រូវឲ្យសងប្រាក់ដែលនៅសល់ចំនួន 2,715$​ ពីសោនក្លឹបក្នុងរយៈពេល3ខែតាមកិច្ចសន្យា ដោយលោក កា បញ្ញាសិទ្ធិ​ ក៏បានព្រមព្រៀងគ្នាតាមកិច្ចសន្យា។ ប៉ុន្តែនៅពេលលោក កា​ បញ្ញាសិទ្ធិ​ សងប្រាក់គឺលោកពុំបានធ្វេីតាមកិច្ចសន្យានោះទេ។ ដោយក្នុងរយៈពេល5ខែគឺលោក កា បញ្ញាសិទ្ធិ ​គាត់បានសងលុយ បានត្រឹមតែ 500$ ប៉ុណ្ណោះនៅខែ 05/2019 មកឲ្យសោនក្លឹប។

ក្រោយមកខាងក្រុមហ៊ុនក៏បានទំនាក់ទំនងទៅបុគ្គលឈ្មោះ កា​ បញ្ញារសិទ្ធ ម្តងហេីយម្តងទៀតដើម្បីទាក់ទងឲ្យមកដោះស្រាយលុយក្រុមហ៊ុនដែលជំពាក់នៅសល់ដោយជាក់ស្ដែងបុគ្គលឈ្មោះ កា​ បញ្ញាសិទ្ធិ មិនបានឆ្លើយតប និងកុហកថ្ងៃនេះថ្ងៃនោះនិយាយទៅគឺចំពាក់លុយក្រុមហ៊ុនទេតែធ្វេីចរិកមិនថ្លៃថ្នូរដល់ពេលសងលុយគេចវេស ហេីយមិនប្រាប់អោយក្រុមហ៊ុនដឹងពីដំណឹងរបស់លោកជាច្រេីនដង ទើបក្រុមហ៊ុនបានបង្ហោះតាមបណ្ដាញសង្គមសារព័ត៌មានហ្វេសប៊ុកដើម្បីឲ្យបុគ្គលឈ្មោះ កា ​បញ្ញាសិទ្ធិ ចូលមកដោះស្រាយ។ បន្ទាប់ពីបង្ហោះសារចូលក្នុងហ្វេសប៊ុករួចមក លោកបានឆ្លើយតបមកក្រុមហ៊ុនដោយទុកពេលរយៈពេលអោយលោកមួយសប្តាហ៍ទៀតដេីម្បីមកដោះស្រាយហើយក្រុមហ៊ុនក៏យល់ព្រមបន្ទាប់ពីរយៈពេលមួយសប្តាហ៍មកលោក​ កា​ បញ្ញាសិទ្ធិ ក៌បានសងប្រាក់ដេីម្បីបញ្ចប់ការជំពាក់។

ដោយជាក់ស្តែងក្រុមហ៊ុនបានឃើញការ Lives វីដេអូរបស់លោក កា បញ្ញាសិទ្ធិ នៅថ្ងៃទី 6 ខែ កក្កដា ឆ្នាំ2019 នៅក្នុង ខុសពីការពិតនឹងកិច្ចសន្យាដោយលោកបាននិយាយថាក្រុមហ៊ុនពុំបានប្រាប់អោយលោកបានដឹងជាមុន ទេីបក្រុមហ៊ុនសុំបកស្រាយអោយយល់ច្បាស់ពីបុគ្គល ឈ្មោះ កា បញ្ញាសិទ្ធិ ​ជាមនុស្សមិនដឹងគុណដែលក្រុមហ៊ុនបានជួយពីមុនមក បែរជា​យកទោសមកសងគុណទៅវិញ ដោយសារបុគ្គលនេះមិនព្រមនិយាយចំរឿងការពិតទេបែរជាយករឿងដែលបានដោះស្រាយយូរខែហេីយមកបកស្រាយគ្មានការពិតបំភ្លេីសក្រុមហ៊ុនអាក្រក់ យកខ្លួនឯងល្អ ដូច្នេះ​ក្រុមហ៊ុនសុំបកស្រាយអោយ ស្គាល់ពីបុគ្គលឈ្មោះ កា បញ្ញសិទ្ធិ​ អោយបងប្អូនជ្រាបច្បាស់​ ហេីយបេីបុគ្គលនេះបេីមិនធ្វេីការបកស្រាយការពិត និងសុំទោសដល់ក្រុមហ៊ុនទេ ខាងក្រុមហ៊ុននឹងដាក់ពាក់បណ្ដឹងតាមផ្លូវច្បាប់ សូមអគុណ»៕