លោកអ៊ុំជាគ្រូបង្រៀនរូបនេះ មកបង្ហាញសមត្ថភាពបកស្រាយបទចម្រៀង សម្រស់បុប្ផាប៉ៃលិន តែសោកស្តាយក៏មិនបានទៅវគ្គបន្ត

កម្មវិធីប្រឡងចម្រៀង X-Factor Cambodia បានធ្វើការចាក់ផ្សាយហើយគឺវគ្គ Judge Audition សប្តាហ៍ទី២។ ដោយមានគណកម្មការសុទ្ធតែជាតារាលំដាប់កំពូលប្រចាំប្រទេស ដូចជា លោក ខេមរៈ សិរីមន្ត អ្នកនាង ឱក សុគន្ធកញ្ញា លោក ណុប បាយ៉ារិទ្ធ និងកញ្ញា សុខ សីឡាលីន។

ក្នុងនោះក៏មានបេក្ខជនឈ្មោះ ម៉ម សារ៉េត អាយុ៥២ឆ្នាំ អាជីពជាគ្រូបង្រៀន បានមកបង្ហាញសមត្ថភាពបកស្រាយបទចម្រៀង សម្រស់បុប្ផាប៉ៃលិន ដោយការបកស្រាយពុំសូវបានល្អ លោកគ្រូបង្រៀនរូបនេះក៏មិនទទួលជោគជ័យ ដោយគណៈកម្មការបានឆ្លើយថា NO ដល់ទៅ៣រូប៕