សម្តេចក្រឡាហោម ស ខេង៖អ្នកជិះម៉ូតូមិនពាក់មួកត្រូវឃាត់មិនឲ្យបន្តដំណើរឡើយ ទាល់តែរកមួកមកពាក់ទើបរួចខ្លួន

សម្តេច ស ខេង បានមានប្រសាសន៍ដូច្នេះថា “អ្នកជិះម៉ូតូហើយមិនពាក់មួកសុវត្ថិភាព គឺប៉ូលិសមានភារកិច្ចឃាត់អ្នកមិនឲ្យធ្វើដំណើរតទៅទៀត សូមឲ្យអ្នកទាក់ទងរបៀបណាក៏ដោយ វិធីណាក៏ដោយ យកមួកមកពាក់សិន បានឲ្យធ្វើដំណើរបន្តទៅទៀត អត់យកម៉ូតូនោះមកទុកទេ គឺប៉ូលិសគ្រាន់តែគ្រប់គ្រងម៉ូតូមិនឲ្យម្ចាស់ម៉ូតូធ្វើដំណើរតទៅទៀតប៉ុណ្ណោះ ដើម្បីជីវិតអ្នក ហើយវាដូចជាមិនទាន់កាចទេវិធានការប៉ុណ្ណឹង ព្រោះបើឃាត់យកម៉ូតូមកទុក មិនដឹងទុកនៅឯណា បើបាត់របស់គេទៅបានអីសង ហើយទោះបីមានរឿងយ៉ាងម៉េចក៏មិនឲ្យបន្តដំណើរទៅមុខទៀតដែរ រកមួកមកពាក់សិនបានឲ្យទៅ”៕

កែសម្រួល៖ ឆ្មាសរ