នីឡា និងគូដណ្ដឹង ជិតដល់ថ្ងៃចូលរោងនាំគ្នាផ្អែមល្ហែមណាស់
ភ្នំពេញ៖ នាង នីឡា ងារតារាកំប្លែងវ័យក្មេងដែលមហាជនស្គាល់ថាជាកូនស្រីសំណព្វផលិតករកម្មវិធីល្បីឈ្មោះប្រចាំ CTN លោក សុវណ្ណ រិទ្ធី ហៅ តា វ៉ិចទ័រ ទើបភ្ជាប់បំណងស្នេហ៍ជាមួយគូដណ្ដឹងរូបសង្ហា ក៏កៀកថ្ងៃជួបជុំគ្រួសារ ញាតិមិត្តជិតឆ្ងាយទាំងសងខាងឆាប់ៗនេះហើយ។
ទន្ទឹមនឹងដំណឹងសាទរនេះដែរនាង នីឡា និងគូដណឹ្តងក៏កាន់តែមានភាពផ្អែមល្ហែមខ្លាំងឡើងពីមួយថ្ងៃទៅមួយថ្ងៃ ទោះបីជាមិនទាន់រៀបការយ៉ាងណាក្តី ក៏ប៉ុន្តែនាងពិតជាទទួលបាននូវសុភមង្គលយ៉ាងពេញលេញ មិនថាគូអនាគត ក៏ដូចជាគ្រួសារទាំងសងខាងនោះទេ។ ជាពិសេសទៅទៀតនោះអ្នកគាំទ្រជាច្រើនបានសម្ដែងក្ដីរំភើបជំនួសនាងគ្រប់គ្នា ដោយខ្លះក៏បាននាំគ្នាជូនពរ និងចង់ឲ្យថ្ងៃជ័យរបស់ពួកគេ កាន់តែខិតចូលមកដល់ផងដែរ។
