លោក សម រង្ស៊ី បន្តចោទសម្តេច ហ៊ុន សែន ជាអ្នកនៅពីក្រោយខ្នងនៃការបាញ់សម្លាប់លោក កែម ឡី

ចេញផ្សាយ ថ្ងៃទី8 ខែកក្កដា ឆ្នាំ2019

ភ្នំពេញ៖ សំណុំរឿងឃាតកម្ម លើអ្នកស្រាវជ្រាវផ្នែកសង្គម លោក កែម ឡី ទំនងជានៅឆ្ងាយពីទីបញ្ចប់ ខណៈការស៊ើបអង្កេត ឬវីដេអូដែលទំនងជាថតឃើញ ពីឃាតករពិត នៅឆ្ងាយពីការប្រកាសជាសាធារណៈ ពីសំណាក់អាជ្ញាធរមានសមត្ថកិច្ចកម្ពុជា។ គេបានដឹងរឿងតិចតួចជាទីបំផុត ចេញពីសំនុំរឿង ឬពីការស៊ើបអង្កេតនេះ ក្រៅពីជនសង្ស័យម្នាក់ ដែលដាក់រហស្សនាមខ្លួន ថា«ជួប សម្លាប់» និងដែលត្រូវជាឃាតករ។

តាមរយៈវីដេអូជាងពីរនាទីនៅលើទំព័រហ្វេសប៊ុក លោក សម រង្ស៊ី បានចោទសម្តេច ហ៊ុន សែន ជាថ្មីថាជាអ្នកសម្លាប់លោក កែម ឡី។ លោក រង្ស៊ី ដែលនិរទេសខ្លួន ពីការចាប់ចងរបស់អាជ្ញាធរកម្ពុជា ក្នុងសំនុំរឿងប្ដឹងផ្ដល់ ជាមួយអតីតរដ្ឋមន្ត្រីការបរទេស លោក ហោ ណាំហុង នោះ បានថ្លែងឡើងថាខ្ញុំចោទលោកហ៊ុន សែន ជាសាធារណៈម្តងទៀត។ខ្ញុំចោទត្រង់ៗទៅលោក ហ៊ុន សែន ថាជាអ្នកនៅពីក្រោយខ្នងនៃការចាញ់សម្លាប់លោកបណ្ឌិតកែម ឡី។ ជាមួយគ្នានេះដែរលោក សម រង្ស៊ី ពន្យុះថែមឲ្យសម្តេច ហ៊ុន សែន ប្តឹងលោកទៅតុលាការបារាំងទៀតផង។

ជំវិញករណីនេះអ្នកនាំពាក្យទីស្ដីការគណរដ្ឋមន្ត្រី លោក ផៃ ស៊ីផាន មិនមានប្រតិកម្មជាមួយការលើកឡើងរបស់លោកសម រង្ស៊ី ទេ។

ការចោទថាលោក ហ៊ុន សែន ជាអ្នករៀបចំការបាញ់ប្រហារយ៉ាងសាហាវ សម្លាប់លោក កែម ឡី នៅកណ្ដាលរាជធានីភ្នំពេញនោះ លោក សម រង្ស៊ី កំពុងរងបណ្ដឹងមួយ ពីសំណាក់លោក ហ៊ុន សែន ដែលប្ដឹងទៅកាន់តុលាការសាលាដំបូងរាជធានីភ្នំពេញ តាមរយៈមេធាវីរបស់នាយករដ្ឋមន្ត្រី កាលពីថ្ងៃទី១ ខែសីហា ឆ្នាំ២០១៨រួចហើយ៕

អត្ថបទ៖ សុខ លាភ

លោក សម រង្ស៊ី បន្តចោទសម្តេច ហ៊ុន សែន ជាអ្នកនៅពីក្រោយខ្នងនៃការបាញ់សម្លាប់លោក​ កែម ឡី

លោក សម រង្ស៊ី បន្តចោទសម្តេច ហ៊ុន សែន ជាអ្នកនៅពីក្រោយខ្នងនៃការបាញ់សម្លាប់លោក កែម ឡី