គំនិតល្អ! សាកលវិទ្យាល័យភូមិន្ទភ្នំពេញបង្កើតកន្លែងបណ្តុះវប្បធម៌មួយ ដែលអ្នកអាចចែករំលែកទៅអ្នកដែលខ្វះខាត
(ភ្នំពេញ)៖ យោងតាមការផុសលើផេកហ្វេសប៊ុករបស់ សាកលវិទ្យាល័យភូមិន្ទភ្នំពេញ នាថ្ងៃទី០៥ កក្កដា ឆ្នាំ២០១៩ នេះថា [ អ្នកខ្លះ “មានលេីស” អ្នកខ្លះ “អត់ជ្រុល” ដែលជាហេតុធ្វេីឲ្យយេីងទាំងអស់គ្នាគិត។ នៅសាកលវិទ្យាល័យភូមិន្ទភ្នំពេញ យេីងបាន និងកំពុងបណ្តុះនូវវប្បធម៌ចែករំលែកមួយ ដែលអ្នកមានលេីស ចេះចែករំលែកនូវអ្វីដែលខ្លួនមានទៅដល់អ្នកដែលអត់ជ្រុល។ អ្នកមានលេីសនៅទីនេះ មិនសំដៅរហូតដល់សេដ្ឋី ឬអ្នកឧកញ៉ាអ្វីឡេីយ ប៉ុន្តែជាអ្នកដែលយល់ថា ខ្លួនអាចមានអ្វីចែករំលែកដល់អ្នកដ៏ទៃដែលត្រូវការជាចាំបាច់។
យេីងជឿថា កាយវិការនេះ មិនត្រឹមតែជាការចែករំលែក ប៉ុន្តែជាការបណ្តុះវប្បធម៌នៃការសណ្តោស។ ]
សូមបញ្ជាក់ថា ការចាប់ផ្តើមទទួលបរិច្ចាគពីថ្ងៃទី ០៥ កក្កដា ឆ្នាំ២០១៩នេះ ដែលមានទីតាំងនៅក្រោយ ក្លឹបហាត់ប្រាណ សាកលវិទ្យាល័យភូមិន្ទភ្នំពេញផ្ទាល់តែម្ដង ៕
អត្ថបទ៖ ស៊ាងម៉ី
