ACU ស្នើអោយកោះសន្តិភាព ធ្វើការកែតម្រូវខ្លឹមសារ មេឈ្មួញឈើនៅសៀមរាបជាមន្ត្រី ACU
ភ្នំពេញ ៖ អង្គភាពប្រឆាំងអំពើរពុករលួយខេត្ត ACU បានចេញប្រតិកម្ម ចំពោះការចេញផ្សាយនេះ កាសែតកោះសន្តិភាពចេញផ្សាយនៅព័ត៌មាន ក្រោមថំណងជើងថា លទ្ធផលដែលរកឃើញក្នុងសណ្ឋាគារ«អង្គរអេរ៉ា»ដែលល្បីបំផុតជួញដូរឈើ ដោយចោទថាមេឈ្មួញឈើដ៏ធំនេះជាមន្ត្រី ACU ។
សេចក្តីប្រកាសព័ត៌មាននៅថ្ងៃនេះបានអោយដឹងថា កាលពីព្រឹកថ្ងៃទី៥ ខែកក្កដានេះ កាសែតកោះសន្តិភាព បានចេញផ្សាយនៅអត្ថបទព័ត៌មាន ក្រោមថំណងជើងថា លទ្ធផលដែលរកឃើញក្នុងសណ្ឋាគារ«អង្គរអេរ៉ា»ដែលល្បីបំផុតជួញដូរឈើម្ចាស់សណ្ឋាគារអង្គរ អេរ៉ា និងម្ចាស់ឈើនោះ មានឈ្មោះ ស៊ីណា ភេទប្រុស អាយុប្រហែល៥០ឆ្នាំ និងជាមន្ត្រីក្នុងជួរអង្គភាពប្រឆាំងអំពើពុករលួយ (ACU) ខេត្ត ។ សំណង់គ្មានច្បាប់ និងឈើល្មើសច្បាប់រហូតរាប់រយរាប់ពាន់ម៉ែត្រគូបនេះ ជារបស់មន្ត្រីថ្នាក់ធំក្នុងជួរអង្គភាពប្រឆាំងអំពើពុករលួយ (ACU) ប្រចាំខេត្តសៀមរាបម្នាក់ ហើយក៏ជាថៅកែសណ្ឋាគារលំដាប់ផ្កាយ៥ផងដែរ ។
អង្គភាពប្រឆាំងអំពើរពុករលួយខេត្ត ACU សូមជម្រាប់ជូនសាធារណៈជនមេត្តាជ្រាបថា ពុំមានឈ្មោះ ស៊ីណា ជាមន្ត្រីក្នុងជួរអង្គភាពប្រឆាំងអំពើពុករលួយ (ACU) ទេ។ ក្នុងន័យនេះអង្គភាពប្រឆាំងអំពើពុករលួយ (ACU) សូមអោយសារព័ត៌មានកោះសន្តិភាព ធ្វើការកែតម្រូវខ្លឹមសារដែលបានចុះផ្សាយក្នុអត្ថបទខាងលើនេះ៕
អត្ថបទ៖ សុខ លាភ
