អភិបាលខណ្ឌពោធិ៍សែនជ័យឈប់យោគយល់ទៀតហើយចំពោះការសង់រោងការ-បុណ្យ រំលោភលើចំណីផ្លូវ
ភ្នំពេញ៖ នៅថ្ងៃទី៥ ខែកក្កដានេះ លោក ហែម ដារិទ្ធ អភិបាលខណ្ឌពោធិ៍សែនជ័យ បានចេញសេចក្ដីជូនដំណឹងដល់បងប្អូនទាំងអស់ដែលស្ថិតក្នុងដែនសមត្ថកិច្ចរបស់ខ្លួនអោយបានជ្រាបទាក់ទងការសង់រោងការ រោងបុណ្យ ឬពិធីផ្សេងដែលប៉ះពាល់ដល់ចំណីផ្លូវសាធារណៈ និងបង្ករផលរំខានដល់អ្នកធ្វើដំណើរផងដែរ។
ខាងក្រោមនេះជាសេចក្ដីជូនដំណឹងនោះរដ្ឋបាលខណ្ឌពោធិ៍សែនជ័យ៖
ទាក់ទងបញ្ហានេះ លោកឃួង ស្រេង អភិបាលរាជធានីភ្នំពេញធ្លាប់បានចេញចំណាត់ការរួចទៅហើយកាលពីពេលកន្លងទៅ «លោកថា អាជ្ញាធរមូលដ្ឋានគ្រប់ខណ្ឌ សង្កាត់ និងកំលាំងមានសមត្ថកិច្ច ត្រូវចុះត្រួតពិនិត្យឲ្យបានជាប្រចាំ ចំពោះការសាងសង់រោងបុណ្យ រោងការ ធ្វើឲ្យមានការកកស្ទះចរាចរណ៍ ដែលប្រជាពលរដ្ឋថ្នាំងថ្នាក់ នាពេលកន្លងមកនោះ គួរម្ចាស់រោងបុណ្យ ឬរោងការ រកទីតាំងណា ដែលសមស្រប មិនប៉ះពាល់ផ្លូវសាធារណៈ ដូចជា ទីអារាម តាមភោជនីយដ្ឋាន ឬទីតាំងណាដែលសមរម្យ» ៕
អត្ថបទ៖ សុខ លាភ
