លោក សម រង្ស៊ី ថាលោកហ៊ុន សែន បានជួលមនុស្សឲ្យមកស្វាគមន៍ នៅស្វិស
ភ្នំពេញ ៖ បន្ទាប់ពីសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញមកដល់ទឹកដីទីក្រុងហ្សឺណែវ ប្រទេសស្វីស ប្រកបដោយសុវត្ថិភាព និងទទួលបានការស្វាគមន៍យ៉ាងកក់ក្តៅពីសំណាក់បងប្អូន ប្រជាពលរដ្ឋនៅរស់ប្រទេសស្វីស លោក សម រង្ស៊ី ថាលោកហ៊ុន សែន បានជួលមនុស្សឲ្យមកស្វាគមន៍គាត់។
សរសេរនៅក្នុងបណ្តាញទំនាក់ទំនងសង្គមហ្វេសបុក នៅរសៀលថ្ងៃទី៤ ខែកក្កដា នេះ លោក សម រង្ស៊ី បានអោយដឹងថា លោក ហ៊ុន សែន បានជួលមនុស្សឲ្យមកស្វាគមន៍គាត់ ដោយឲ្យកម្រៃពី ២០០ ដុល្លារ ទៅ ២០០០ ដុល្លារ ម្នាក់ អាស្រ័យលើមកពីជិត-ឆ្ងាយ។
លោកបន្ថែមថា តែចំពោះអ្នកគាំទ្រគណបក្សសង្គ្រោះជាតិវិញ គឺមកដោយចិត្តឯង ហើយចេញថ្លៃធ្វើដំណើរដោយខ្លួនឯង ដូចយុវជនខ្មែរ នៅប្រទេសកម្ពុជាអញ្ចឹងដែរ កាលពេលចូលរួមដង្ហែក្បួនរៀបចំដោយគណបក្សសង្គ្រោះជាតិ៕
អត្ថបទ៖ សុខ លាភ
