Range Rover Evoque ស៊េរី ឆ្នាំ ២០២០ ដាក់លក់នៅខ្មែរហើយ!
(ភ្នំពេញ)៖ Range Rover Evoque ស៊េរីថ្មីឆ្នាំ ២០២០ មានការរចនា និងកែប្រែប្រព័ន្ធបច្ចេកវិទ្យាប្លែកពីស៊េរីមុន។
ដោយមានប្រព័ន្ធសំឡេងបច្ចេកវិទ្យា Meridian Surround Sound System ជាមួយបច្ចេកវិទ្យា Incontrol Touch Pro ដែរធ្វើអោយអ្នកបើកបរមានអារម្មណ៍កាន់តែអស្ចារ្យជាមួយនឹងតន្ត្រី ដែលអាចបញ្ជាបានដោយអ្នកបើកបរផ្ទាល់ពីក្នុងរថយន្ត ដោយប្រើបច្ចេកវិទ្យា Advance Tow Assist។
មកជាមួយជម្រើសពីរគឺប្រភេទ First Edition និង ប្រភេទ SE ប្រភេទពណ៌ខ្មៅ ដែលជាទីពេញនិយមសម្រាប់អ្នកប្រើប្រាស់សម័យថ្មី។ Range Rover Evoque ស៊េរីថ្មីឆ្នាំ ២០២០ ត្រូវបានបំពាក់ទៅដោយកៅអីម៉ាស្សាទំនើបដែរអាចបញ្ជាឲ្យត្រជាក់រឺក្ដៅបានតាមត្រូវការ។
Evoque ស៊េរីថ្មីឆ្នាំ ២០២០ មានបំពាក់ម៉ាស៊ីនទំហំ ២,០ លីត្រ មានទាំងប្រភេទម៉ាស៊ីនសាំង និងម៉ាស៊ូត អាចបង្កើនល្បឿនពី ០ ទៅ ១០០ គីឡូម៉ែត្រក្នុង ៧,៥ វិនាទី អាចបើកបរបានល្បឿន ២៣០ គីឡូម៉ែត្រក្នុង ១ម៉ោង អមជាមួយនឹងប្រអប់លេខស្វ័យប្រវត្តិ ៩ វគ្គ និងប្រព័ន្ធបើកបរអូសកង់ទាំង ៤ AWD (All-Wheel-Drive) ឬហៅប៉ុង ២។ កម្រិតប្រើប្រេងឥន្ធនៈគឺ ១០០ គីឡូម៉ែត្រស៊ីប្រេង ប្រមាណ ៧,៧ លីត្រ។
Range Rover Evoque ស៊េរីថ្មីឆ្នាំ ២០២០ ដាក់លក់តម្លៃចាប់ពី ១៣៦ ៨០០ ដុល្លារ បូករួមជាមួយការធានារយះពេល ៥ឆ្នាំ ៕
កែសម្រួល៖ ស៊ាងម៉ី
