ចាប់ពីថ្ងៃនេះទៅ ព្រលានយន្តហោះខេត្តព្រះសីហនុ ចាប់ផ្តើមបើកឱ្យមានជើងហោះហើរត្រង់ពីប្រទេសថៃ
(ព្រះសីហនុ)៖ នៅរសៀលថ្ងៃទី០១ ខែកក្កដា ឆ្នាំ២០១នេះ នៅព្រលានយន្តហោះអន្តរជាតិខេត្តព្រះសីហនុ (កងកេង) មានការបើកឱ្យដំណើរការជើងហោះហើរត្រង់ពីប្រទេសថៃ មកកាន់ខេត្តព្រះសីហនុ ពោលគឺពីព្រលានយន្តហោះដនមឿង មកព្រលានយន្តហោះអន្តរជាតិ(កងកេង) ដែលជាការបើកការហោះហើរត្រង់ជាលើកដំបូង។ នេះបើតាមការបង្ហោះនៅលើទំព័រហ្វេសប៊ុកលោក ខៀវ កាញារីទ្ធ រដ្ឋមន្រ្តីក្រសួងព័ត៌មាន ដែលលោកទទួលបានពីមន្ទីរព័ត៌មានខេត្តព្រះសីហនុ។
បច្ចុប្បន្ននេះ ព្រលានយន្តហោះអន្តរជាតិខេត្តព្រះសីហនុ បានទទួលជើងហោះហើរក្នុងមួយថ្ងៃចំនួន ៣០ជើងហោះហើរ។ ក្នុងនោះជើងហោះហើរអន្តរជាតិចំនួន ២៥ជើង និងជើងហោះហើរក្នុងស្រុកចំនួន ៥ជើង។
កន្លងមក ព្រលានយន្តហោះនេះ ទទួលបានការហោះត្រង់មកពី ៣ប្រទេសប៉ុណ្ណោះ គឺវៀតណាម ម៉ាឡេស៊ី និងចិន៕
កែសម្រួល៖ ស៊ាងម៉ី
