រត់ជាន់គ្នាក្នុងកំឡុងពិធីបុណ្យឯករាជ្យ ស្លាប់ និងរបួសជាង ១០០នាក់នៅប្រទេសម៉ាដាហ្គាស្ការ
មនុស្សយ៉ាងហោចណាស់ចំនួន ១៦នាក់បានស្លាប់ និងជាង ១០០នាក់ផ្សេងទៀតរងរបួស ក្នុងហេតុការណ៍រត់ជាន់គ្នានៅពហុកីឡាដ្ឋានមួយកន្លែង កំឡុងពេលប្រារព្ធបុណ្យឯករាជ្យ ក្នុងប្រទេសម៉ាដាហ្គាស្ការ (Madagascar)។
ហេតុការណ៍នោះកើតឡើងនៅច្រកចូលនៃពហុកីឡាដ្ឋាន Mahamasina ខណៈពេលដែលមានមនុស្សយ៉ាងច្រើនកុះករសម្រុកចូលកាត់ក្លោងទ្វារ ស្ថិតក្នុងទីក្រុង Antananarivo។
បើតាមការបញ្ជាក់របស់មេប៉ូលីសឈ្មោះ Richard Ravalomanana បានអោយដឹងថា “ក្លោងទ្វារនៃពហុកីឡាដ្ឋាននោះមិនសូវធំទេ”។ ហេតុការណ៍រត់ជាន់គ្នាកើតឡើងក្រោយពេល ប្រធានាធិបតី Paul Kagame ចាកចេញពីពហុកីឡាដ្ឋាន បន្ទាប់ពីគាត់បានចូលរួមពិធីដង្ហែក្បួនយោធារួច។
មនុស្សជាង ១០០នាក់បានរងរបួសនៅក្នុងភាពច្របូលច្របល់នោះ ខណៈដែលមានមនុស្សរាប់ពាន់នាក់កំពុងតែប្រមូលផ្តុំគ្នាមើលការប្រគំតន្ត្រីក្នុងថ្ងៃបុណ្យឯករាជ្យ កាលពីថ្ងៃពុធកន្លងទៅនេះ។
ក្នុងព្រឹត្តិការណ៍នោះ វាគឺជាការប្រារព្ធខួបលើកទី ៥៩របស់ប្រទេស ម៉ាដាហ្គាស្ការ ដែលបានទទួលឯករាជ្យពីប្រទេសបារាំង៕
កែសម្រួល៖ ស៊ាងម៉ី
ប្រភព៖ CNN
