លោក ផែង វណ្ណៈ ៖ ឯកឧត្ដម យន្ត មីន ឡេីងផ្កាយបួន និងជារដ្ឋលេខាធិការក្រសួងការពារជាតិ ?
ភ្នំពេញ៖ បន្ទាប់ពីសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានយល់ព្រមឱ្យ លោក យន្ត មីន លាលែងពីតំណែងអភិបាលខេត្តព្រះសីហនុ នេះបន្តិចនៅលើបណ្ដាញសង្គមហ្វេសប៊ុករបស់លោក ផែង វណ្ណៈ នៅរសៀលថ្ងៃទី២៦ ខែមិថុនា បានអោយដឹងថា ឯកឧត្ដម យន្ត មីន ឡេីងផ្កាយបួន និងជា រដ្ឋលេខាធិការក្រសួងការពារជាតិ ?។
លោកថា សម្ដេចតេជោ ហ៊ុន សែន ក្រាបបង្គំទួលថ្វាយព្រះមហាក្សត្រ ប្រោសព្រះរាជទានតម្លើងឋានន្តរស័ក្តិ និង តែងតាំងឧត្ដមសេនីយ៍ឯក យន្ត មីន អត្តលេខ ០០០៩៥៣ ជានាយឧត្ដមសេនីយ៍ និង ជារដ្ឋលេខាធិការ ក្រសួងការពារជាតិ ។
ជំវិញការលើកឡើងរបស់លោកផែង វណ្ណៈ នេះសារព័ត៌មាន Fast News មិនអាទាក់ទងលោកឈុំ សុជាតិ អ្នកនាំពាក្យក្រសួងការពារជាតិ ដើម្បីឆ្លើយតបបានទេនៅរសៀលថ្ងៃទី២៦ ខែមិថុនា នេះ៕
អត្ថបទ៖ សុខ លាភ
