ខេមរៈ សិរីមន្ត បានដាច់ចិត្តបង្ហាញ Pre Weddingជាមួយភរិយាហើយ
ភ្នំពេញ ៖ តារាចម្រៀងប្រចាំផលិតកម្មហង្សមាស ខេមរៈ សិរីមន្ត បានបង្ហាញរូបថត Pre Wedding កាលពីប៉ុន្មានឆ្នាំមុនជាសាធារណៈដល់អ្នកគាំទ្រនៅក្នុងថ្ងៃខួបកំណើតភរិយាកាលពីចុងសប្តាហ៍ កន្លងទៅ ដែលបង្កឲ្យមហាជនភ្ញាក់ដូចគេចាប់ទះ ដ្បិតរូបភាពទាំងនេះពិតជាស្រស់ស្អាតខ្លាំងមិនធម្មតាឡើយ។
ជាមួយរូបភាពប្រៀបបាននៅថ្មីៗទោះអស់ពេលច្រើនឆ្នាំ និងទទួលបានកូនដល់ទៅ៣ ហើយនោះ ខេមរៈ សិរីមន្ត ក៏បានរំលេចសារផ្អែមល្ហែមគួរឲ្យច្រណែនថា «ថ្ងៃនេះជាថ្ងៃខួបកំណើតរបស់ភរិយាសម្លាញ់សូមឱ្យអូនមានសុខភាពល្អនិង សុភមង្គលជារៀងរហូត (រូបកាល ៤ , ៥ ឆ្នាំមុន)» បន្ថែមលើនេះអ្នកគាំទ្រជាច្រើនក៏បានរំលេចសារជូនពរឲ្យកាន់តែមានសុភមង្គលផងដែរ។
