ទូតជប៉ុនផ្ញើសាររំលែកទុក្ខ ដល់ជនរងគ្រោះក្នុងឧបទ្ទវហេតុបាក់អគារនៅខេត្តព្រះសីហនុ
បន្ទាប់ពីមានឧបទ្ទេវហេតុបាក់រលំអគារនៅខេត្តព្រះសីហនុ កាលពីព្រឹកថ្ងៃទី២២ ខែមិថុនា នៅព្រឹកថ្ងៃទី២៤ ខែមិថុនា នេះឯកឧត្តម ហូរីណូអ៊ុជិ ហ៊ីដេហ៊ីសា ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា ផ្ញើសាររំលែកទុក្ខជនរងគ្រោះ នៅក្នុងហេតុការណ៍នេះ។ នេះបើយោងតាមទំព័រហ្វេសបុករបស់ស្ថានទូតជប៉ុនប្រចាំនៅកម្ពុជា នៅព្រឹកថ្ងៃចន្ទ័នេះ ។
ឯកឧត្តម ហូរីណូអ៊ុជិ ហ៊ីដេហ៊ីសា បានអោយដឹងថា ខ្ញុំមានអារម្មណ៍សោកស្តាយជាពន់ពេកក្រោយពីបានទទួលព័ត៌មានស្តីពីឧប្បត្តិវហេតុបាក់អាគារដែលបានកើតឡើងនៅថ្ងៃទី២២ ខែមិថុនា នៅខេត្តព្រះសីហនុ។
អគារ៧ជាន់ដែលស្ថិតនៅចំណុចភូមិ៣ សង្កាត់៤ ក្រុងព្រះសីហនុ ខេត្តព្រះសីហនុ បានបាក់រលំ កាលពីព្រឹកថ្ងៃទី២២ ខែមិថុនា ឆ្នាំ២០១៩។ អគារដែលកំពុងស្ថិតក្រោមការសាងសង់នេះ មានម្ចាស់ជនជាតិចិនឈ្មោះ Chen Kun ដែលបានជួលដីពីឈ្មោះ ញឹក ហ៊ុយ ជនជាតិខ្មែរ។ អគារនេះ ត្រូវបានម៉ៅការសាងសង់ដោយក្រុមហ៊ុនសំណង់ Xi Gang Tang Gong Gou Ji Haisao ដែលមានថៅកែ ឈ្មោះ Deng Xing Gui និងអ្នកម៉ៅការបូកជញ្ជាំងអគារឈ្មោះ Gao Yu ។ ក្រោយឧបទ្ទវហេតុ អ្នកទាំងនោះត្រូវបានចាប់ខ្លួន៕
អត្ថបទ៖ សុខ លាភ
