នេះជាទិដ្ឋភាពចូលរួមពិធីមង្គលការ អាលីហ្សា មានតារាល្បីៗជាច្រើន

ភ្នំពេញ៖ កាលពីយប់មិញនេះ មង្គលការរបស់តារាសម្តែងស្រី ដ៏មានប្រជាប្រិយភាព អ្នកនាងអ៊ុន អាលីហ្សា បានប្រព្រឹត្តទៅយ៉ាងអធិកអធម ក្រោមការចូលរួមអបអរជួបជុំគ្នាពីសំណាក់បណ្តា សាច់ញាតិប្រុសស្រីទាំងសងខាង។

នៅក្នុងកម្មវិធីមង្គលការដ៏អធិកអធម របស់តារាស្រីរូបនេះ ជាមួយនឹងកូនកម្លោះអនិកជន បានធ្វើការរៀបចំឡើងយ៉ាងស្រស់ស្អាត ប្លែក នៅក្នុងការរចនារៀបចំគួរឲ្យចាប់អារម្មណ៍តែម្តង។

អ្វីដែលជាពិសេសនោះគឺ នៅក្នុងនោះក៏មានការចូលរួមពីសំណាក់ តារាល្បីៗជាច្រើនបាននាំគ្នាចូលរួមអបអរដោយក្តីរីករាយ និងបានធ្វើការតុបតែងខ្លួនយ៉ាងស្រស់ស្អាតនៅក្នុងសម្លៀកបំពាក់ ចម្រុះពណ៌គ្នា សុទ្ធតែស្អាត និងស្រស់សង្ហាគួរឲ្យចាប់អារម្មណ៍យ៉ាងខ្លាំង។

ចំណែកឯកូនកម្លោះក្រមុំវិញ ក៏បានតែងខ្លួនក្នុងឈុតរៀបការ យ៉ាងស្រស់ស្អាតស្ទើរគ្រប់ឈុត និងសាកសមគ្នាគួរឲ្យសរសើរ។ ជាមួយនឹងរូបភាពជាច្រើន ពោរពេញដោយភាពរីករាយក្នុងថ្ងៃនេះដែល ក៏មានការពេញចិត្ត​ និងអបអរដល់គូស្វាមីភរិយាមួយគូនេះ គ្រប់គ្នាតែម្តង៕

អត្ថបទ កែវ ច័ន្ទសុផាវរុណ