ខេម បានប្រាប់ពីមូលហេតុដែលមិនចាប់ដែគូច្រៀងជាមួយ រ៉ាប៊ី ព្រោះតែ…!!
តារាចម្រៀងសំឡេងស្អកបែបស្រទន់លោក ខេម កាន់តែមានប្រជាប្រិយភាពខ្លាំងឡើង តែមួយរយៈពេលចុងក្រោយនេះតារាចុម្រៀងរូបនេះហាក់មមាញឹកខ្លាំងជាមួយនឹងដំណើរចេញទៅសម្តែងនៅក្រៅប្រទេស។ ងាកមកចាប់អារម្មណ៍នឹងទំនាក់ទំនងការងារក្នុងទ្រនំសិល្បៈវិញ ខេម បានបញ្ជាក់ថា « ឃើញ រ៉ាបី ចាប់ដៃគួ ជាមួយនិងលោក សុគន្ធ ថេរ៉ាយុ ច្រើនជាងតារាផ្សេង រ៉ាប៊ី ស៊ីបទញាក់ច្រើនជាងបទស្លូវ ចំណែកខ្ញុំភាគច្រើនតម្រូវបទស្លូវ អ៊ីចឹងហើយបានជាមិនត្រូវចាប់ដៃគូជាមួយគ្នាហ្នឹង។
ខ្ញុំធ្លាប់ចាប់ដៃគូជាមួយបងមាស សុខសោភា, អេនីហ្សាម អីដែរ ហើយខ្ញុំមិនប្រកាន់ទេ ច្រៀងជាមួយអ្នកណាក៏បាន ឱ្យតែផលិតកម្មតម្រូវ មិនមែនថាទាល់តែអ្នកហ្នុងល្បីខ្លាំងបានច្រៀងជាមួយអ្នកល្បីតិចមិនច្រៀងជាមួយអី អត់អ៊ីចឹងទេ។ ប៉ុន្តែខ្ញុំយល់ថា ខាងផលិតកម្ម គាត់មើលដែរថា តារាណាសំឡេងស៊ីគ្នា អាចច្រៀងឆ្លងឆ្លើយជាមួយគ្នាបាន មិនមែនគាត់ចេះតែចាប់ដាក់ទេ”។
អត្ថបទ កែវ ច័ន្ទសុផាវរុណ
