សាហាវជាង GTA ទៀត!!បុរសម្នាក់បានលួច រថក្រោះទៅបើកលេងពេញទីក្រុង
(ប្រទេសប៉ូឡូញ) បុរសម្នាក់ត្រូវបានប៉ូលិសចាប់ខ្លួន និងប្រឈមនឹងការជាប់គុករយៈពេល ៨ ឆ្នាំ បន្ទាន់ពីគាត់បានលួចយករថពាសដែកទៅបើកលេងពេញទីក្រុង។ ហេតុការណ៍នេះបានកើតឡើងនៅក្នុងក្រុង Pajęczno ប្រទេសប៉ូឡូញ។ បុរសជាអ្នកបង្កហេតុរូបនេះមានអាយុ ៦០ ឆ្នាំ ហើយគាត់ត្រូវបានគេរកឃើញថា មានអាការស្រវឹងស្រាយ៉ាងខ្លាំង ខណៈដែលគាត់ទៅលួចយករថក្រោះនេះមកបើកលេង។ រថក្រោះមួយគ្រឿងនេះជាប្រភេទ T-55 ផលិតនៅក្នុងប្រទេសសូវៀត និងទុកសម្រាប់ប្រើប្រាស់ក្នុងពេលមានសង្រ្គាមប៉ុណ្ណោះ។
យ៉ាងណាក្តី ក្នុងយប់កើតហេតុបុរសវ័យ ៦០ ឆ្នាំរូបនេះ បានបើករថពាសដែកពេញទីក្រុង និងបង្កឲ្យប្រជាពលរដ្ឋមានការភ្ញាក់ផ្អើល និងភ័យខ្លាចជាខ្លាំង។ បន្តិចក្រោយមកទើបអាជ្ញាធរអាចធ្វើការឃាត់អ្នកបើកបររថពាសដែកនេះបាន និងចាប់យកគាត់ទៅកាន់ស្ថានីយ៍ប៉ូលិស។ តាមច្បាប់គាត់ត្រូវប្រឈមនឹងការជាប់គុកចំនួន ៨ ឆ្នាំ
អត្ថបទ កែវ ច័ន្ទសុផាវរុណ
