ពិតទេ!!ដួង ម៉ានិច Single យូរពេក បានជាស្និតស្នាលជាមួយនិង ប្រុសក្មេង ថៃ អតិជាតិបុត្រ

ភ្នំពេញ៖ មួយរយៈនេះ កញ្ញា ដួង ម៉ានិច ហាក់បីដូចជា មានភាពមមាញឹកយ៉ាងខ្លាំង ជាមួយនឹង ការងារសិល្បៈ មិនថា ការសម្ដែង ឬការថតម៉ូតនោះទេ ព្រមទាំងទទួលបានភាពជោគជ័យទៀតផង។

ថ្មីៗនេះ នាងបានបង្ក ការភ្ញាក់ផ្អើលមួយ តាមរយៈវីដេអូLive ក្នុងគណនីហ្វេសប៊ុករបស់នាង ដោយបង្ហាញពី ភាពផ្អែមល្ហែម យ៉ាងស្អិតរមួត ជាមួយនឹង លោក ថៃ អតិជាតិបុត្រ ដែលជាម្ចាស់បទ«គ្រាស្នេហ៍» មានអាយុតិចជាង រហូតដល់ទៅដប់ឆ្នាំ ធ្វើឲ្យមហាជនរាល់គ្នា មានការស្រឡាំងកាំង គ្រប់ៗគ្នាតែម្ដង។

លើសពីនេះ ក្នុងពេលនោះដែរ ម៉ានិច និង បុត្រ បានទទួលទាន អាហារពេលល្ងាច ក្រោមពន្លឺភ្លើងទៀន យ៉ាងរ៉ូមែនទិក អមដោយ ភាសាផ្អែមល្ហែម មើលទៅបរិយាកាសពោរពេញ ដោយភាពរំភើប សប្បាយរីករាយនិង គួរឲ្យច្រណែនទៀតផង។ ជាពិសេស ថែមទាំងដួង ម៉ានិច ថើប បុត្រ យ៉ាងស៊ីអារម្មណ៍ទៀតផង ធ្វើឲ្យអ្នកដែលឃើញ សឹងមិនចង់ជឿនឹងភ្នែក៕

អត្ថបទ កែវ ច័ន្ទសុផាវរុណ