លោកច្រឹក សុខនីម ៖ វិធីសាស្រ្ត៦យ៉ាង ដើម្បីអ្នកវិនិយោគផ្នែកអចលនទ្រព្យទទួលបានផលចំនេញ
វិស័យអចលនទ្រព្យនៅតែមានភាពល្អប្រសើរ បើប្រៀបធៀបឆ្នាំ២០១៨ ដោយកំណើនក្នុងវិស័យនេះមានភាពសមាមាត្រ នឹងកំនើនសេដ្ឋកិច្ចជាតិរបស់យើង ដែលជាសញ្ញាល្អមួយសម្រាប់វិស័យនេះ។ តម្លៃអចលនទ្រព្យក្នុងឆ្នាំនេះមានកំនើនចន្លោះពី១០ ទៅ១៥ភាគរយ។ បើធៀបនឹងឆ្នាំ២០១៨ ស្ថានភាពឆ្នាំ២០១៩នេះ អាចល្អប្រសើរជាងឆ្នាំមុន ប៉ុន្តែមិនល្អខ្លាំងនោះទេ។ នេះបើតាម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីម។
សរសេរនៅក្នុងទំព័រហ្វេសបុករបស់លោកនៅព្រឹកថ្ងៃទី១៨ ខែមិថុនានេះ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីម បានបង្ហាញពីគន្លឹះសំខាន់ៗ ចំនួន៦យ៉ាង ដើម្បីអ្នកវិនិយោគផ្នែកអចលនទ្រព្យទទួលបានផលចំនេញ។
១. អ្នកវិនិយោគគួរតែតាមដាន រាល់ព័ត៌មានពាក់ព័ន្ធនឹងវិស័យ អចលនទ្រព្យឲ្យបានទំលំទូលាយ ។
២. អ្នកវិនិយោគត្រូវតែមានទំនាក់ទំនងជាមួយអ្នកអភិវឌ្ឍក៏ដូចជាអ្នកវិយោគផ្សេងទៀតឲ្យបានច្រើន ដើម្បីទទួលបានព័ត៌មាន ជុំវិញការវិនិយោគអចលនទ្រព្យ ក៏ដូចជាសិក្សាយកចំណេះ ដឹងពីពួកគេសម្រាប់យកមកអភិវឌ្ឍ អចលនទ្រព្យរបស់ខ្លូនឲ្យទទួលបានជោគជ័យ ។
៣. ត្រូវពិនិត្យមើលលើទិដ្ឋភាព ផ្លូវច្បាប់ ជុំវិញអចលនទ្រព្យ នោះប្លង់រឹង ឬមិនមាន ដើម្បីងាយស្រួយក្នុងការវិនិយោគបន្ត ។
៤. ពិនិត្យមើលចំពោះលំហូសាច់ប្រាក់របស់ខ្លួនសម្រាប់ការ វិនិយោគលើអចលនទ្រព្យ។
៥. ពិនិត្យមើលទីតាំងដែលត្រូវ វិនិយោគមានសក្តានុពល និងមានហេដ្ឋាចរនាសម្ព័ន្ធ ឲ្យបានត្រឹមត្រូវ។
៦. ត្រូវតាមដាន ពិនិត្យមើលសេដ្ឋកិច្ច នៅក្នុងប្រទេស ។
អត្ថបទ៖ សុខ លាភ
