នេះជាទិដ្ឋភាព ពិធីបូជាសពម្ដាយ អ៊ុន សុធា ដែល ចាប់ពីព្រឹកនេះទៅ លោក លែងបានឃើញម្តាយទៀតហើយ

ភ្នំពេញ៖ កាលពីថ្ងៃទី ១៥ ខែមិថុនា ឆ្នាំ២០១៩ មានការភ្ញាក់ផ្អើលខ្លាំងមែនទែន បន្ទាប់ពីបានទទួលដំណឹងយ៉ាងក្រៀមក្រំ ម្ដាយតារាសម្ដែងប្រុស និងជាម៉ូដែល ដ៏មានប្រជាប្រិយភាពលោក អ៊ុន សុធា បានទទួលបានមរណភាព ធ្វើឲ្យបណ្ដាអ្នកគាំទ្ររបស់ខ្លួន សម្ដែងអារម្មណ៍សោកសៅទៅកាន់លោក ច្រើនមែនទែន។

ជាមួយគ្នានេះដែរ គេសង្កេតឃើញមានបណ្ដាសិល្បករ សិល្បការិនីជាច្រើនដួង ក៏បានចូលរួមក្នុងពិធីបុណ្យសពម្ដាយ របស់លោក អ៊ុន សុធា ក្នុងទឹកមុខសោកសៅ គ្រប់គ្នាតែម្ដង។

ជាក់ស្ដែង នៅព្រឹកនេះ បើតាមការបង្ហោះរូបភាពជាច្រើន នៅលើគណនីហ្វេសប៊ុកផ្លូវការរបស់លោក បានឲ្យដឹងផងដែរថា នេះជាពេលវេលាចុងក្រោយ ដែលតារាសម្ដែងដ៏មានជាប្រិយភាពលោក អ៊ុន សុធា បានឃើញ និងប៉ះផ្ទាល់ម្ដាយរបស់ខ្លួន ជាលើកចុងក្រោយ បន្ទាប់ពីរូបកាយម្ដាយរបស់លោក គ្មានថ្ងៃនឹងបានជួបគ្នាទៀតឡើយ។

គួររម្លឹកផងដែរថា សពម្ដាយ របស់លោក អ៊ុន សុធា និងត្រូវបូជានៅវេលាព្រឹកនេះ គឺម៉ោង ០៩ និង០០នាទី ថ្ងៃនេះ តែម្ដង ៕

អត្ថបទ កែវ ច័ន្ទសុផាវរុណ