ឆ្វែលចុះឆ្វែលឡើងសមត្ថកិច្ចសង្ស័យដេញចាប់បាន៦នាក់ ២នាក់មានសារធាតុញៀន
ភ្នំពេញ ៖ ដោយមានការសង្ស័យ សមត្ថកិច្ចដេញតាមយុវជនចំនួន៦នាក់ជិះម៉ូតូចំនួន៣គ្រឿងឌុបគ្នាឆ្វែលទៅឆ្វែលមកម្តុំមុខព្រលានយន្តហោះអន្តរជាតិភ្នំពេញ ដោយសមត្ថកិច្ចដេញតាំងពីលើផ្លូវសហព័ន្ធរុស្សីមុខព្រលានយន្តហោះរហូតដល់ផ្លូវចូលមូលដ្ឋានទ័ពអាកាសភូមិតាងួន សង្កាត់កាកាប១ ខណ្ឌពោធិសែនជ័យ ទើបចាប់ឃាត់បាននាំទៅសាកសួរនៅផ្នែកជំនាញ ហេតុការណ៍នេះលើកឡើងកាលពីវេលាម៉ោង១០និង៣០នាទីយប់ ថ្ងៃទី១៥ ខែមិថុនា ឆ្នាំ២០១៩ ។
ប្រភពពីសមត្ថកិច្ចបានឲ្យដឹងថា ខណៈដែលកម្លាំងនគរបាលកំពុងល្បាតក្នុងមូលដ្ឋាន ស្រាប់តែឃើញក្មេងស្ទាវមួយក្រុមគ្នា៦នាក់ជិះម៉ូតូចំនួន៣គ្រឿង (ឌ្រឹមសង់ ពណ៌ខ្មៅមិនមានស្លាកលេខមួយគ្រឿង ម៉ូតូ SUZUKI Let’s ពណ៌ស ពាក់ស្លាកលេខព្រៃវែង 1L-4964 មួយគ្រឿងនិងម៉ូតូYAMAHA ពណ៌សបិតស្កុតខៀវមួយគ្រឿង) ដោយឃើញជិះក្រឡឹងទៅក្រឡឹងមក ខុសប្រក្រតីទើបកម្លាំងសមត្ថកិច្ចប្រដេញតាមហៅក្រុមក្មេងស្ទាវកាន់តែបន្ថែមល្បឿនរត់គួរឲ្យសង្ស័យណាស់ដេញស្ទាក់រហូតចាប់ឃាត់បាននៅតាមផ្លូវចូលមូលដ្ឋានទ័ពអាកាសរួចនាំទៅសាកសួរនៅផ្នែកជំនាញ។
ក្មេងស្ទាវទាំង០៦នាក់ ក្រោយពីឃាត់យកមកសាកសួរបានធ្វើតេស្តទឹកនោមរកសារធាតុញៀនឃើញថា ៤នាក់មិនមានសារធាតុញៀនបានអនុញ្ញាតិអោយត្រឡប់ទៅផ្ទះវិញ ដោយឡែក២នាក់ទៀត ក្នុងទឹកនោមមានសារធាតុក៏ត្រូវបានឃាត់ខ្លួនបណ្តោះអាសន្ន ដើម្បីបន្តនីតិវិធី ៕
អត្ថបទ៖ សុខ លាភ
