ភ្ញាក់ផ្អើល! ពេលឃើញតារាស្រីរូបនេះ មានមុខមាត់ស្រដៀង Chompoo សឹងបេះដាក់!

ថៃ៖ ថ្មីៗនេះមានភាពភ្ញាក់ផ្អើលមួយបានកើតឡើង ដោយអ្នកលេងបណ្តាញសង្គមជាច្រើននាក់បាននាំគ្នាំស៊ែរចែករំលែកព្រោងព្រាត និងចាប់អារម្មណ៍យ៉ាងខ្លាំង ទៅលើរូបសម្រស់របស់តារាស្រីម្នាក់ ដែលមានមុខមាត់ស្រដៀងគ្នាខ្លាំងមែនទែន ជាមួយនឹងកំពូលតារាសម្តែងស្រីល្បីល្បាញ Chompoo Araya។

មិនត្រឹមតែប៉ុណ្ណោះ នាងក៏មានឈ្មោះថា Ya Araya ដូចគ្នាទៅនឹងតារាសម្តែងស្រី Chompoo Araya ផងដែរ រហូតដល់មានអ្នកគាំទ្រមួយចំនួនធំគិតថា នាងច្បាស់ជាមានជាប់ទាក់ទងជាសាច់ញាតិ ឬជាបងប្អូនជាមួយ Chompoo Araya ជាក់ជាមិនខាន ទាំងដែលការពិតអ្នកទាំងពីរ មិនមានខ្សែទាក់ទងអ្វីនឹងគ្នាបន្តិចសោះ។

គួរឱ្យដឹងផងដែរថា បច្ចុប្បន្ននេះកញ្ញា Ya Araya មានអាជីពជាតារាសម្តែង និងតារាបង្ហាញម៉ូតដ៏ល្បីល្បាញម្នាក់ផងដែរ ដែលកំពុងតែទទួលបាននូវប្រជាប្រិយភាពយ៉ាងខ្លាំងពីសំណាក់អ្នកគាំទ្រ ព្រោះតែសម្រស់ និងភាពឆ្លាតវៃរបស់នាង។ មានទាំងសម្រស់ និងមានទាំងសមត្ថភាពបែបនេះ កម្លោះៗច្បាស់ជាតាមស្រលាញ់មិនតិចនាក់នោះទេ៕

អត្ថបទ កែវ ច័ន្ទសុផាវរុណ