កងរាជអាវុធហត្ថក្រុងប៉ោយប៉ែត ចុះបង្ក្រាបទីតាំងប្រើប្រាស់ និងជួញដូរគ្រឿងញៀន នៅក្នុងខារ៉ាអូខេAJR

កំលាំងកងរាជអាវុធហត្ថក្រុងប៉ោយប៉ែត  បានចុះបង្រ្កាបទីតាំងជួញដូរគ្រឿងញៀន នៅក្នុងខារ៉ាអូខេ.AJR .ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ ប្រតិបត្តិការចុះបង្ក្រាបទីតាំងខាងលើនេះ ធ្វើឡើងនៅយប់ថ្ងៃ១៣ ឈានចូលថ្ងៃ១៤ ខែមិថុនា ។

ក្នុងប្រតិបត្តិការនេះ កម្លាំងជំនាញបានធ្វើការឃាត់ខ្លនជនសង្ស័យពាក់ព័ន្ធករណី រក្សាទុក ជួញដូរ និងប្រើប្រាស់ដោយខុសច្បាប់នូវសារធាតុគ្រឿងញៀន ៩នាក់។

រីឯវត្ថុតាងដកហូតរួមមាន ថ្នាំញៀនជាច្រើនប្រភេទ រួមជាមួយ អាវុធខ្លីប្រភេទSig Sauer១ដើម,បង់ចំនួន១ និងគ្រាប់កាំភ្លើងខ្លីចំនួន៦៣គ្រាប់ ព្រមទាំងរថយន្តចំនួន១គ្រឿង ម៉ាក ធុនត្រាពណ៌ស្ក ពាក់ស្លាកលេខ: ភ.ព2AK.9119 (មធ្យោបាយសំរាប់ប្រព្រឹត្តិបទល្មើស) និងម៉ូតូចំនួន២គ្រឿង ម៉ាកPCX ពណ៌ស -ក្រហម គ្មានស្លាកលេខ(មធ្យោបាយសំរាប់ប្រព្រឹត្តិបទល្មើស) និងម៉ាកស្កុបពី ពណ៌ស គ្មានស្លាកលេខចំនួន០១គ្រឿង។

ក្រោយពេលបង្ក្រាប ជនសង្ស័យ ត្រូវបានកម្លាំងកងរាជ អាវុធ ហត្ថក្រុងប៉ោយប៉ែត កសាងសំណុំរឿងចាត់ការតាមនិតិវិធីច្បាប់បន្ត ។
អត្ថបទ៖ សុខ លាភ