iPhone XS 24K Gold ចែកកីឡាករ Liverpool ម្នាក់មួយគ្រឿង ដឹងថាវាមានតម្លៃប៉ុន្មានអត់?
បន្ទាប់ពីទទួលជ័យជម្នះនៅពានរង្វាន់ UEFA Champions League នារដូវកាល ២០១៨/១៩ ក្រុមហង្សក្រហម Liverpool ក៏សម្រេចផ្តល់ជូននូវរង្វាន់លើកទឹកចិត្តជាទូរសព្ទ iPhone XS ជំនាន់ពិសេស ដល់កីឡាករនិងបណ្តាបុគ្គលិកគ្រប់រូបនៅក្នុងក្រុមទាំងមូល។
ពីរគ្រាប់រកបានដោយ Divock Origi និង Mohamed Salah នាំឲ្យហង្សបានយកឈ្នះមាន់ខ្នាយមាស Tottenham នៅលទ្ធផល ២-០ ដោយជោគជ័យនេះប្រធានក្លឹបក៏សម្រេចចែកជូន iPhone XS ធ្វើពីមាស 24K ម្នាក់មួយគ្រឿង អមដោយការរចនាលេខនិងឈ្មោះរបស់កីឡាករនៅខ្នងខាងក្រោយ។
ការច្នៃប្រឌិតទាំងនេះបង្កើតឡើងដោយក្រុមហ៊ុន iDesign Gold ដោយក្នុងមួយគ្រឿងៗមានតម្លៃខ្ទង់ ២ ៩១៥ ទៅ ៤ ៤៣៥ ដុល្លារ ។ នេះបើតាមការបញ្ជាក់លើគេហទំព័រ iDesign Gold ដោយផ្ទាល់។
អត្ថបទ កែវ ច័ន្ទសុផាវរុណ
