Ronaldo ត្រូវ UEFA ដាក់ពិន័យចំពោះក្បាច់អបអរ កាលប៉ះ Atletico
ខ្សែប្រយុទ្ធរបស់ Juventus កីឡាករ Cristiano Ronaldo ត្រូវបានពិន័យជាប្រាក់២ម៉ឺនអឺរ៉ូ ដោយសហព័ន្ធបាល់ទាត់ទ្វីអឺរ៉ូ UEFA ចំពោះក្បាច់អបអររបស់គេក្នុងជ័យជម្នះលេងទល់នឹង Atletico Madrid កាលពីវគ្គ១៦ក្រុមចុងក្រោយ Champions League។
/5c944f457916b_1553223480_large.jpg)
ការបញ្ចេញក្បាច់អបអររបស់កីឡាករវ័យ៣៤ឆ្នាំគឺចង់បញ្ឈឺទៅអ្នកចាត់ការរបស់ Atletico លោក Diego Simeone ដែលបានប្រើក្បាច់អបអរយកដៃក្ដោបប្រដាប់ភេទកាលពីប្រកួតជើងទីមួយឈ្នះ Juventus ២-០។ Ronaldo អបអរប្រើក្បាច់របស់ Simeone បន្ទាប់ពីគេរកបាន៣គ្រាប់ម្នាក់ឯង ជួយសេះបង្កង់វាយបកយកឈ្នះឡើងវគ្គ៨ក្រុមចុងក្រោយ។
ជាមួយគ្នានេះ លោក Diego Simeone ក៏ត្រូវបាន UEFA ពិន័យ២ម៉ឺនអឺរ៉ូដូចគ្នា។ នៅជុំបន្ទាប់វគ្គ Quarter-Final Juventus នឹងត្រូវប៉ះ Ajax៕
/5c944f4458751_1553223480_large.png)
ប្រភព៖ BBC ប្រែសម្រួល៖ កែវ ច័ន្ទសុផាវរុណ
