Roger Federer និង Naomi Osaka មានវត្តមានក្នុងការបើកបង្ហាញកីឡដ្ឋានថ្មីនៃព្រឹត្តិការណ៍ Miami Open
វាយកូនបាល់៖ ព្រឹត្តិការណ៍ប្រកួតវាយកូនបាល់ Miami Open នឹងចាប់ផ្ដើមធ្វើឡើងនៅក្នុងកីឡដ្ឋានថ្មី Miami Dolphins Stadium ជាលើកដំបូងរបស់ខ្លួន។
ស្នងការប្រកួតនៅ Miami-DadeCountry បានយល់ព្រមជាឯកច្ឆន្ទលើកិច្ចព្រមព្រៀងតាំងពីខែធ្នូ ឆ្នាំ2017 ដែលអនុញ្ញាតឱ្យមានការប្រកួតចាកចេញពីមូលដ្ឋាននាទីក្រុង Miami ដ៏យូររបស់ខ្លួនទៅប្រកួតនៅឯ Key Biscayne ដែលជាក្រុងមួយនៅរដ្ឋ Florida ជំនួសវិញ។ ហើយកាលពីថ្ងៃពុធម្សិលម៉ិញនេះ មានកីឡាករកំពូលរបស់ស្វីស Roger Federer ហើយនឹងនាង Naomi Osaka កូនកាត់ជប៉ុន–អាមេរិកបានបង្ហាញខ្លួនក្នុងកម្មវិធីបង្ហាញកីឡដ្ឋានថ្មី និងទំនើបមួយនេះជាផ្លូវការ។
នៅក្នុងឱកាសបង្ហាញនោះដែរ ក៏មានការប្រកួតមួយដែលប្រមូលផ្តុំដោយកីឡាករជើងខ្លាំង មានដូចជាអតីតកីឡាករលេខ១ ពិភពលោកទាំងពីរគឺ Roger Federer និងកីឡាករសៀកប៊ី Novak Djokovic ចូលរួមជាមួយនឹងកីឡាការិនីម្ចាស់ផ្ទះ Serena William ហើយនាង Osaka ផងដែរ៕
ប្រភព ៖ BTV
