សមត្ថកិច្ច ឃាត់ខ្លូនយុវជនល្មោភកាមម្នាក់ ពាក់ពន្ធករណីរំលោភនៅស្រុកគាស់ក្រឡ
បាត់ដំបង ៖ បុរសម្នាក់ត្រូវបានសមត្ថកិច្ចនគរបាលនៃអធិការដ្ឋាននករបាលស្រុកបាណន់ បង្ក្រាបឃាត់ខ្លួនពាក់ព័ន្ធករណីរំលោភសេពសន្ថវៈលើនារីម្នាក់កាលពីថ្ងៃទី០៣ ខែមិថុនា ឆ្នាំ២០១៩ វេលាម៉ោង ១៤និង៣០នាទី នៅក្នុងចំការ ភូមិសំរោង ឃុំឆ្នាល់មាន់ ស្រុកគាស់ក្រឡ ។ នេះបើយោងតាមគេហទំព័ររបស់អគ្គស្នងការនគរបាលជាតិចេញផ្សាយនៅថ្ងៃទី៥ ខែមិថុនានេះ ។
សមត្ថកិច្ចបានអោយដឹងថា ជនសង្ស័យឈ្មោះ ឆន វ៉ាន់ធិ ភេទប្រុស អាយុ២៤ឆ្នាំ រស់នៅភូមិព្រៃទទឹង ឃុំបាយដំរាំ ស្រុកបាណន់ បានចាប់រំលោភជនរងគ្រោះឈ្មោះ អ.សរ អាយុ២៥ឆ្នាំ រស់នៅភូមិព្រៃធំ ឃុំកំពង់ល្ពៅ ស្រុកសំឡូត ។ អ្នកទាំងពីរមកស្នាក់នៅធ្វើចំការក្នុងចំណុចកើតហេតុខាងលើ ។
ករណីនេះ សមត្ថកិច្ចជំនាញបានធ្វើការឃាត់ខ្លួនជនសង្ស័យ និងកំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការបន្តតាមនីតិវិធីច្បាប់៕
