ឈ្លោះគ្នាជាមួយប្រពន្ធ ឪក្មេកឡើងមកឃាត់ កូនប្រសារទាញកាំបិតកាប់លើឪពុកក្មេក
មណ្ឌលគិរី ៖ កម្លាំងសមត្តកិច្ចនគរបាលខេត្តមណ្ឌលគិរី បានធ្វើការឃាត់ខ្លួនបុរសម្នាក់ ដែលជាកូនប្រសា ខណៈខឹងប្រពន្ធ តែបានកាប់ទៅឪពុកក្មេកបណ្តាលឱ្យរងរបួស៣ថ្នេរ ។ ហេតុការណ៍នេះកើតឡើង កាលពីវេលម៉ោងប្រមាណជាង១២អធ្រាត្រចូលថ្ងៃទី៥ មិថុនា នេះ នៅភូមិជីក្លប់ ឃុំសុខសាន្ត ស្រុកកោះញែក។
ជនដៃល់ខាងលើ ឈ្មោះនៅ មេត្តា ភេទប្រុស អាយុ៣០ឆ្នាំ ជាកសិករ រស់នៅ ភូមិជីក្លប់ ឃុំសុខសាន្ត ស្រុកកោះញែក បានយកកាំបិតបុ័ងតោកាប់ចំនួន៣កាំបិតទៅលើឪក្មេកឈ្មោះ រិន ផល អាយុ៥០ឆ្នាំ ដែលរស់នៅជាមួយគ្នា ។
មូលហេតុដែលប្តីប្រពន្ធនេះឈ្លោះគ្នា គេមិនផ្តើមចេញពីរឿងអ្វីនោះទេ ប៉ុន្តែនៅពេលឪក្មេកឡើងមកឃាត់ពួកគេ ក៏ត្រូវជនសង្ស័យទាញកាំបិតកាប់លើឪពុកក្មេកតែម្តង ។បច្ចុប្បន្ន ជនសង្ស័យនិងវត្ថុតាងត្រូវបានកម្លាំងឃាត់ខ្លួននាំយកកាន់អធិការដ្ឋាននគរបាលស្រុកកោះញែកដើម្បីចាត់ការបន្ត ។
អត្ថបទ៖ សុខ លាភ
