ដំណាំកសិកម្មប្រភេទកាកាវ ត្រូវបានប្រជាពលរដ្ឋក្នុងខេត្តស្ទឹងត្រែង មានការចាប់អារម្មណ៍ ស្របពេលទីផ្សារកំពុងមានតម្រូវការ

ដំណាំប្រភេទនេះ ត្រូវបានប្រទេសមួយចំនួនដូចជា ជប៉ុន ចិន ថៃ និង សហគមន៍អឺរុប កំពុងត្រូវបាន​ចរាចរ​​លើទីផ្សារ ហើយកម្ពុជាយើងក៏កំពុងដំណើរការនៅលើទីផ្សារជិត១ឆ្នាំមកហើយដែរ ក៏នឹង​បាននាំ​ចេញទៅក្រៅប្រទេសប្រកបដោយជោគជ័យ ហើយទទួលបាននូវសេដ្ឋកិច្ចយ៉ាងច្រើន ពីការនាំចេញ នូវដំណាកាកាវនេះ ។ កាកាវជាដំណាំកែច្នៃទៅជាគ្រឿងឧបភោគបរិភោគ ថ្នាំពេទ្យ ក៏ដូចជា គ្រឿង​សំអាងជាដើម ។

គោលនយោបាយរាជរដ្ឋាភិបាល បានផ្តោតលើកកម្ពស់លើវិស័យកសិកម្មជាអាទិភាព ក្នុង​ការធ្វើឲ្យ​ជីវ​ភាព​ប្រជាពលរដ្ឋ កាន់តែប្រសើរឡើង ។ នេះក៏ជាមោទនភាពមួយថ្មីទៀតរបស់កម្ពុជា ដែល​នឹង​សម្រេច​បាននូវការនាំចេញនូវដំណាំឧស្សាហកម្មដ៏មានសក្តានុពល មួយប្រភេទ ក្រោមការខិតខំពីក្រុមហ៊ុន និង​ប្រជាពលរដ្ឋកម្ពុជា ក៏ដូចជាដៃគូចុះហត្ថលេខា ជាមួយគ្នានឹងបណ្តារប្រទេសជាច្រើនលើពិភពលោក ៕

អត្ថបទ៖ សុខលាភ