លោក Jose Mourinho បានបង្ហាញថា Mbappe ជាកីឡាករមានតម្លៃថ្លែបំផុតរបស់ពិភពលោក
កីឡាករវ័យ ២០ឆ្នាំរូបនេះបានឈ្នះពានរង្វាន់បាល់ទាត់ពិភពលោកជាមួយប្រទេសបារាំងកាលពីឆ្នាំមុននិងបានទទួលជោគ
ជ័យខ្លាំងថែមទៀតក្នុងរដូវកាលនេះដែលស៊ុតបញ្ចូលទីបាន ៣០ សម្រាប់ការបង្ហាញខ្លួន ៣៤លើកអោយក្រុម PSGរដូវកាលនេះ។
លោក Mourinho ដែលគ្មានការងារចាប់តាំងពីត្រូវបានបណ្តេញចេញពីក្លឹប Manchester United កាលពីខែធ្នូជឿជាក់ថាអាយុ
និងសមត្ថភាពរបស់កីឡាករវ័យក្មេងរូបនេះនឹងបង្កើតឱ្យមានកំណត់ត្រាថ្លៃផ្ទេរខ្ពស់បំផុតនៅលើពិភពលោកដែលមានតំលៃច្រើនជាងកីឡាករ Cristiano Ronaldo, Lionel Messi និង Neymar នាពេលបច្ចុបន្ន។
លោក Mourinho បានប្រាប់ BeIN Sports ថា: “ខ្ញុំគិតថាសមត្ថភាពគិតពីកម្រិតអាយុរបស់គេធ្វើអោយយើងអាចដឹងហើយ
ខណៈដែលកីឡាករ Cristiano, Messi, អាយុជាង ៣០ឆ្នាំទៅហើយ, ចំណែកNeymar គឺអាយុ ២៧ ឆ្នាំ … នៅពេលដែលអ្នកចូលទៅកាន់កម្រិតទីផ្សារនិងអាយុជាកត្តាមួយខ្ញុំគិតថាគាត់ជា
កីឡាករដ៏មានតម្លៃបំផុតនៅលើពិភពលោក។
“គ្រាន់តែផ្តោតទៅលើសមត្ថភាពរបស់គេពេលនេះគឺពិតជាមិនគួរឱ្យជឿ”។
ប្រភព: BeIN Sports ប្រែសម្រួលដោយ: កែវ ចន្ទ័សុផាវរុណ
