បទថ្មីរបស់ ថេណា «ស្នេហ៍កង់ទិច» បង្កប់អត្ថន័យចាក់ដោតបេះដូងយុវវ័យខ្លាំង! (មានវីដេអូ)

ភ្នំពេញ៖ ប្រាកដជាមានប្រិយមិត្តមិនតិចនោះទេ បានស្គាល់ពីតារាចម្រៀង Original Song ថេណា ជាក់ជាមិនខាន ជាមួយនឹងបទចម្រៀងស្នេហាជាច្រើន នាពេលកន្លងមក ដែលសុទ្ធសឹងតែទទួលបានការគាំទ្រយ៉ាងខ្លាំង ពីសំណាក់មិត្តៗយុវវ័យ។

យ៉ាងណាមិញ ក្រោយពីស្ងាត់មិនចេញបទថ្មីមួយរយៈខ្លីនោះ នៅពេលនេះតារាចម្រៀងប្រុសដ៏មានប្រជាប្រិយភាព លោក ថេ ណា ក៏បានបញ្ចេញបទថ្មីរបស់ខ្លួន កាលពីយប់មិញនេះ ហើយក៏បាននឹងកំពុងតែទទួលការចាប់អារម្មណ៍ខ្លាំងមែនទែន ពីសំណាក់អ្នកលេងបណ្តាញសង្គម ជាពិសេសយុវវ័យផ្ទាល់តែម្តង។

សម្រាប់បទថ្មីមួយបទនេះដែរ មានចំណងជើងថា «ស្នេហ៍កង់ទិច» ពិតជាមានអត្ថន័យចាក់ដោតចិត្ត សម្រាប់មនុស្សដែលស្រលាញ់គេខ្លាំងពេក រហូតស្ទើរតែភ្លេចស្រលាញ់ខ្លួនឯង ។

គួរឲ្យដឹងថា «ស្នេហ៍កង់ទិច » កំពុងតែទាញអារម្មណ៍អ្នកគាំទ្រយ៉ាងច្រើន ឲ្យស្លុងទៅតាមបទថ្មីរបស់លោក ថេ ណា ហើយមិនត្រឹមតែប៉ុណ្ណោះ សម្រាប់បទថ្មីនេះ ក៏ទទួលបានអ្នកចុចចូលទស្សនាយ៉ាងច្រើន នៅលើបណ្តាញសង្គម និងថែមទាំងមានអ្នក Share តៗគ្នារាប់ពាន់ដង ក្នុងរយៈពេលដ៏ខ្លីផងដែរ៕

អត្ថបទ កែវ ច័ន្ទសុផាវរុណ