ស៊ឹម សូលិកា បង្ហាញក្តីរំភើបចិត្ត ជួ ប ព្រាប សុវត្ថិ នៅទឹកដីអាមេរិក
មកដល់ថ្ងៃទី២០ ខែឧសភា ឆ្នាំ២០១៩ នេះ កំពូលតារាចម្រៀង លោក ព្រាប សុវត្ថិ និងក្រុមគ្រួសារ មិនទាន់វិលត្រឡប់មកប្រទេសកម្ពុជាវិញទេ ដោយលោកជាប់កម្មវិធីប្រគំតន្ត្រីនៅសហរដ្ឋអាមេរិក ព្រមទាំងមានដំណើរកម្សាន្តជាលក្ខណៈគ្រួសារផងដែរនៅទីនោះ មើលទៅពិតជាសប្បាយរីករាយខ្លាំងណាស់។
ក្នុងនោះគេក៏បានឃើញតារាសម្តែង ស៊ឹម សូលីកា បង្ហាញអារម្មណ៍រំភើបជាខ្លាំងក្រោយពីបានជួបលោកកាលពីពេលថ្មីៗនេះ។ ដោយឡែកកាលពីម្សិលមិញនេះ ស៊ឹម សូលិកា បានបង្ហាញក្តីរំភើបចិត្តមួយផងដែរ ពេលបានជួបលោក ព្រាប សុវត្ថិ នៅក្នុងទឹកដីអាមេរិក ព្រមទាំងភ្ជាប់សារខ្លីមួយថា “ជាងដប់ឆ្នាំជួបជុំគ្នាម្ដងទៀតនៅលើដីថ្មីមួយទៀត ពិតជារំភើបចិត្តណាស់ my idol Preap Sovath”។
ក្រោយពីឃើញរូបជាច្រើនសន្លឹកនេះរួចមក ប្រិយមិត្តក្នុងបណ្តាញសង្គមហ្វេសប៊ុកមានការចាប់អារម្មណ៍ជាខ្លាំង ព្រមទាំងនឹកឃើញដល់រឿង «នេសាទក្រពើ» ភ្លាម ហើយក៏មានអ្នកចូល comment ថា “បញ្ចាំងរោងកុនមើលឡើង២ដង រឿងនេសាទក្រពើកាលណុង” អ្នកខ្លះទៀតបន្ថែមថា “ដៃគូដ៏សាកសម” រីឯអ្នកខ្លះទៀតរំលឹកពាក្យសំដីខ្លះៗក្នុងសាច់រឿង នេសាទក្រពើថា “បងស្រលាញ់សយ”៕
