លោក Zinedine Zidane កំពុងរៀបចំសំណើរតម្លៃខ្លួនដល់ខ្សែប្រយុទ្ធស្លាប Lucas Moura ក្នុងតម្លៃខ្លួន៥០លានផោន

លោក Zinedine Zidane ត្រូវបានរាយការណ៍ថា កំពុងរៀបចំសំណើរតម្លៃខ្លួនដល់ខ្សែប្រយុទ្ធស្លាប Lucas Moura ក្នុងតម្លៃខ្លួន៥០លានផោន ចង់នាំមកធ្វើជាកូនក្រុមនៅរដូវកាលថ្មីខាងមុខ។

ប្រភពពី Don Balon បានរាយការណ៍ថា ក្លឹបយក្សអេស្ប៉ាញ Real Madrid កំពុងរៀបចំក្រុមសារជាថ្មី ក្រោមការដឹកនាំរបស់អ្នកចាត់ការទូទៅបារាំង Zinedine Zidane ដែលកំពុងត្រៀមជើងស្តារក្រុមឡើងមកវិញនារដូវកាលថ្មី ពេលនេះបានសម្លឹងឃើញសមត្ថភាពកីឡាករវ័យ២៦ឆ្នាំខាងលើ ដោយហ៊ានបោះលុយសរុប ៤៧លានផោនដល់ក្លឹប Tottenham Hotspur និង៣លានផោនក្រៅដល់ Lucas Moura តែម្តង ដើម្បីនាំមកទឹកដី Santiago Bernabeu Stadium ។

កីឡាករប្រេស៊ីលខាងលើ បានឈានជើងមកចូលរួមបង្ហាញសមត្ថភាពនៅទឹកដីអង់គ្លេសនារដូវកាល ២០១៧-២០១៨ ខណៈមកទល់បច្ចុប្បន្នបានបង្ហាញខ្លួនសរុបឲ្យ Tottenham Hotspur សរុប៥៨ដង និងរកបាន១៦គ្រាប់ជារួមផង៕

អត្ថបទ៖​ គឹមស្រ៊ិន