ទីបំផុតក្ដីប្រាថ្នាដ៏ធំរបស់អ្នកលេងផ្លែពូថៅដៃ ធឿន ធារ៉ា បានក្លាយជាការពិត!

ទីបំផុត កំពូលកីឡាករប្រដាល់គុនខ្មែរ ធឿន ធារ៉ា បានសម្រេចក្ដីប្រាថ្នារបស់ខ្លួនដោយជោគជ័យ ដោយរូបគេបានទទួលកាដូយក្សពីក្រុមហ៊ុនស្រាបៀ Ganzberg ក្រោយផ្ដួលគូប្រកួតនៅក្នុងវិញ្ញសាប្រកួតវិលជុំ 8 Men ក្នុងកម្មវិធីប្រដាល់ «មហាសង្រ្គាម GANZBERG រាជសីហ៍ KUN KHMER» នៅលើទឹកដីខណ្ឌកំបូល រាជធានីភ្នំពេញ កាលពីយប់ថ្ងៃទី១៦ ខែវិច្ឆិកា ឆ្នាំ២០២៤។

ការប្រកួតធ្វើឡើងដោយភាពស្វិតស្វាញបំផុត ដោយ ធឿន ធារ៉ា បានប្រដេញវាយសម្រុកលើគូប្រកួតរបស់ខ្លួនជាកីឡាករសញ្ជាតិអូស្រ្តាលី ស្ទីវិន ម៉ាធីវ រីលៀម រីឆាត (Stevens Matthew William Richard)។ លុះការប្រកួតឈានដល់ទឹក៣ ធឿន ធារ៉ា បានប្រើកែងពិឃាតដ៏មុតស្រួចរបស់ខ្លួនទៅលើគូប្រកួត បណ្ដាលឱ្យគូប្រកូតរងរបួសបែកថ្ងាសយ៉ាងដំណំ រហូតដល់បោះបង់ការប្រកួតតែម្ដង។

ក្រោយផ្ដួលគូប្រកួត ធឿន ធារ៉ា រំភើបខ្លាំងដល់ស្រក់ទឹកភ្នែក ព្រោះតែខ្លួនទទួលបានរង្វាន់ដ៏ធំដែលស្ទើរមិនធ្លាប់គិតថា នឹងអាចទទួលបានដែលជាផ្ទះវីឡាកូនកាត់នេះ៕

សូមទស្សនាវីដេអូប្រកួតពេញតាមលីងខាងក្រោមនេះ៖

https://web.facebook.com/ganzberg.beer/videos/943117154331301