ទីបំផុតរកឃើញក្រុមដែលបានឈ្នះឡានពីមហាព្រឹត្តិការណ៍ប៉េណាំងទីឈ្នះឡានពីក្រុមហ៊ុន Boostrong
បន្ទាប់ពីឆ្លងកាត់ការប្រកួតយ៉ាងស្វិតស្វាញរយៈពេលពេញមួយថ្ងៃ នៅទីបំផុតរកឃើញក្រុមដែលបានឈ្នះឡានពីមហាព្រឹត្តិការណ៍ប៉េណាំងទីឈ្នះឡានពីក្រុមហ៊ុន Boostrong គឺបានទៅលើក្រុម Suffer FT ក្រោយបំបាកក្រុម Rocket FC ក្នុងលទ្ធផល៣ទល់១។
មុនបានទទួលបានឡានខ្លាញ់គោទំនើប និងម៉ូតូពីក្រុមហ៊ុន Boostrong ក្រុម Suffer FT បានឆ្លងកាត់ជាច្រើនក្រុមដែលចូលរួមប្រកួតប្រជែងពេញមួយថ្ងៃ ដែលមានរហូតដល់៥១២ក្រុម។ រហូតដល់សល់៤ក្រុមចុងក្រោយ ក្រុម Suffer FT បានបំបាក់ក្រុម SAM MEAក្នុងលទ្ធផល៣ទល់១ ខណៈក្រុមRocket FC យកឈ្នះក្រុមបាយកកក្នុងលទ្ធផល៤ទល់៣។ លុះដល់វគ្គផ្តាច់ព្រ័ត្រ័ក្នុងជំនួបរវាងក្រុម Suffer FT និងក្រុម Rocket FC ក្នុងនោះក្រុម Suffer FT យកឈ្នះក្នុងលទ្ធផល៣ទល់១។
ចំណែកការប្រកួតក្នុងក្រុមដើម្បីឈ្នះឡាន ជំដំបូងខេង រស្មី ឈ្នះវ៉ាន់ ដេត, ខណៈគឹម ហៃ ឈ្នះ ងិន ដាវីដ ដែលធ្វើអោយអ្នកឈ្នះឡើងប៉ះគ្នាដើម្បីប៉េណាំងទីរកអ្នកឈ្នះឡាន។ ចូលដល់ជំចុងក្រោយខេង រស្មី ឈ្នះងិន ដាវីដ ដណ្តើមបានឡានសេរីទំនើបពីក្រុមហ៊ុនBoostrong។
សូមបញ្ជាក់ផងដែរថា មហាព្រឹត្តិការណ៍ ប៉េណាល់ទីឈ្នះរង្វាន់ធំ រៀបចំឡើងដើម្បីលើកទឹកចិត្តហ្វេនបាល់ទាត់ទូទាំងប្រទេសខ្មែរ។ មហាព្រឹត្តិការណ៍ នេះនឹងរៀបចំនាថ្ងៃទី២១ ខែកក្កដា ឆ្នាំ២០២៤ នៅមុខមហោស្រពទីក្រុងកោះពេជ្រ។
ប៊ូសស្រ្តង ជាក្រុមហ៊ុនភេសជ្ជៈប៉ូវកម្លាំងតែ១គត់ ហ៊ានបង្កើតមហាព្រឹត្តិការណ៍ធំៗ ដាក់រង្វាន់ឡានថ្មីខ្លាញ់គោជាច្រើនគ្រឿង ទាំងវិស័យគុនខ្មែរ វិស័យកីឡាផ្សេងៗ និងការចូលរួមសង្គមលើកកម្ពស់ឱ្យតម្លៃស្រ្តី។ ថ្មីៗនេះ ប៊ូសស្រ្តងប្រកាស ស្វែងរកជើងខ្លាំង ពូកែស៊ុតប៉េណាល់ទីដណ្ដើមរង្វាន់ធំ រួមមានឡានថ្មីខ្លាញ់គោ ម៉ូតូថ្មីជាច្រើនគ្រឿង និងទឹកប្រាក់សុទ្ធ៕
