UEFA Euro ៖ រកឃើញប្រទេសទាំង១៦ ឡើងទៅវគ្គ១៦ក្រុមចុងក្រោយ
ពានរង្វាន់ជើងឯកទ្វីបអឺរ៉ុប UEFA Euro 2024 ឬ 2024 UEFA European Football Championship ដែលប្រទេសអាល្លឺម៉ង់ ទទួលរៀបចំធ្វើជាម្ចាស់ផ្ទះ បានចាប់ផ្តើមប្រកួតតាំងពីថ្ងៃទី១៤ ខែមិថុនា ឆ្នាំ២០២៤ ពេលនេះរកឃើញប្រទេសទាំង១៦ ឡើងទៅវគ្គ១៦ក្រុមចុងក្រោយហើយ។
ការប្រកួតវគ្គសន្សំពិន្ទុក្នុងពូលមានរឿងរ៉ាវជាច្រើនគួរឲ្យចាប់អារម្មណ៍ជាពិសេសលទ្ធផលនៃការប្រកួតតែម្តង។ ក្រុមខ្លាំងមួយចំនួនដែលត្រូវបានគិតថា នឹងបង្ហាញគុណផលល្អក្នុងការរកបានគ្រាប់បាល់ ប៉ុន្តែបែរជាធ្វើឲ្យអ្នកគាំទ្រខកចិត្តទៅវិញ។ ក្រុមខ្លាំងមិនត្រូវបានរំពឹងថា ធ្វើបានល្អ តែបែរជាល្អទៅវិញ។
ប្រទេសទាំង១៦ ឡើងទៅវគ្គ១៦ក្រុមចុងក្រោយ រួមមាន ស្វីស, អ៊ីតាលី, អាល្លឺម៉ង់, ដាណឺម៉ាក, អង់គ្លេស, ស្លូវ៉ាគី , អេស្ប៉ាញ, ហ្សកហ្ស៊ី, បារាំង, បែលហ្សិក, ព័រទុយហ្គាល់, ស្លូវេនី, រ៉ូម៉ានី, ហូឡង់, អូទ្រីស និងទួរគី។
គួរដឹងថាពានរង្វាន់ជើងឯកបាល់ទាត់ផ្នែកបុរស UEFA Euro ត្រូវបានបង្កើតឡើងដំបូងនៅឆ្នាំ១៩៥៨ បច្ចុប្បន្នមានអាយុកាល ៦៦ឆ្នាំ ស្របពេលក្រុមជម្រើសជាតិអាល្លឺម៉ង់ និងក្រុមអេស្ប៉ាញ ឈ្នះពាននេះបាន ៣លើកស្មើគ្នា ខណៈក្រុមការពារតំណែងជើងឯកគឺក្រុមជម្រើសជាតិអ៊ីតាលី៕
