ភ្លៀងធ្លាក់ខ្យល់កន្ត្រាក់លាយឡំរន្ទះបាញ់ បណ្តាលឲ្យមនុស្ស០៣នាក់របួស និងខូចខាតផ្ទះប្រជាពលរដ្ឋចំនួន៣៨ខ្នងផ្ទះ ងាប់សត្វគោ០១ក្បាល នៅខេត្តបាត់ដំបង

សមត្ថកិច្ចបានប្រាប់ឲ្យអោយដឹងថា វេលាម៉ោង ១៥និង០៥នាទី នៅចំណុចភូមិតាស្តា ឃុំតាស្តា ស្រុកសំពៅលូន ខេត្តបាត់ដំបង មានភ្លៀងធ្លាក់មួយមេ បណ្ដាលឱ្យមានករណីរន្ទះបាញ់មនុស្ស កើតឡើងចំនួន ០១លើក បណ្ដាលឲ្យរងរបួសមនុស្សចំនួន ០៣នាក់ ខណៈពេលដែលជនរងគ្រោះកំពុងបេះស្វាយក្នុងចំការ ។

១-ឈ្មោះ ហាច ធី ភេទស្រី អាយុ ១៦ ឆ្នាំ មានទីលំនៅ ភូមិតាស្តា ឃុំតាស្តា ស្រុកសំពៅលូន ខេត្តបាត់ដំបង ។

២-ឈ្មោះ ព្រុំ គីម៉ើយ ភេទស្រី អាយុ ០៨ ឆ្នាំ មានទីលំនៅភូមិត្រពាំព្រលិត ឃុំសន្តិភាព ស្រុកសំពៅលូន ខេត្តដំបង។

៣-ឈ្មោះ ឡុច ស្រីពៅ ភេទស្រី អាយុ ៤៨ ឆ្នាំ មានទីលំនៅភូមិតាស្តា ឃុំតាស្តា ស្រុកសំពៅលូន ខេត្តបាត់ដំបង ។

បច្ចុប្បន្ន ជនរងគ្រោះកំពុងសម្រាកព្យាបាលនៅមន្ទីរពេទ្យភូមិភាគ៥ សំពៅលូន អាការៈបានដឹងខ្លួន និងរួចផុតគ្រោះថ្នាក់ហើយ ។ កម្លាំងនគរបាលស្រុកបានចុះធ្វើការត្រួតពិនិត្យ និងរៀបចំសណ្តាប់ធ្នាប់ជូនម្ចាស់ផ្ទះឡើងវិញ៕