ហេង វិសាល និងស្រីនាបង្ហោះរូបថតមង្គលការពោរពេញដោយសុភមង្គលនិងស្នាមញញឹម

នៅថ្ងៃនេះ គូស្នេហ៍ និងជាគូដណ្ដឹងដែលជាអ្នកបង្កើតមាតិកាលើបណ្ដាញសង្គមដ៏ល្បីឈ្មោះចំនួន២រូប គឺលោក ហេង វិសាល និងកញ្ញាស្រីនា បានបង្ហោះរូបថតពិធីមង្គលការរបស់ខ្លួនយ៉ាងផ្អែមល្ហែម និងពោរពេញទៅដោយសុភមង្គល។ ទន្ទឹមគ្នា អ្នកគាំទ្ររបស់អ្នកបង្កើតមាតិកាទាំងពីររូបនេះបានបង្ហាញការអបអរសាទរយ៉ាងផុសផុល។

មុនឈានដល់ការចូលរោងជ័យនេះ ហេង វិសាល និងស្រីនា បានប្រើឈ្មោះជាគូដណ្ដឹងនឹងគ្នាប្រមាណពីរឆ្នាំ ដោយអ្នកទាំងពីរបានភ្ជាប់ពាក្យនឹងគ្នាកាលពីអំឡុងខែតុលា ឆ្នាំ២០២២។ ជាក់ស្ដែងគ្នានោះ ពួកគេបានធ្វើឱ្យមហាជន និងអ្នកគាំទ្រភ្ញាក់ផ្អើលគ្រប់ៗគ្នា៕